سەمەي- ورمانى رەزەرۆاتى مەن جاڭا ءشۇلبى فيليالىنىڭ باسشىلىعى ءۇيقاماققا الىندى

ق ر باس پروكۋراتۋراسىنىڭ باسپا ءسوز قىزمەتى تاراتقان اقپاراتتارعا قاراعاندا، تەرگەۋ بارىسىندا «سەمەي- ورمانى» رەزەرۆاتى مەن جاڭا ءشۇلبى فيليالىنىڭ باسشىلىعى كۇدىكتى رەتىندە تانىلدى.

2023 -جىلعى 1 -شىلدەدە ولاردىڭ ارەكەتتەرى قىلمىستىق كودەكستىڭ 292-بابىنىڭ 3-بولىگى بويىنشا سارالانعان (ابايسىزدا ەكى جانە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ).

ولاردىڭ جاسى مەن دەنساۋلىق جاعدايىن ەسكەرە وتىرىپ، ولارعا «ءۇيقاماققا الۋ» تۇرىندەگى بۇلتارتپاۋ شاراسى قولدانىلدى.

تەرگەۋ جالعاسۋدا، ءورتتىڭ بارلىق ىقتيمال نۇسقالارى پىسىقتالۋدا، ولاردىڭ اراسىندا قاساقانا ورتەۋ، تابيعاتتا اقاۋلى تەحنيكانى پايدالانۋ، نايزاعاي رازريادى جانە باسقالارى دا بار.

سونداي- اق، تەكسەرۋ ناتيجەلەرى بويىنشا توتەنشە جاعدايلار جانە ەكولوگيا جانە تابيعي رەسۋرستار مينيسترلىگىنىڭ لاۋازىمدى تۇلعالارىنىڭ ارەكەتتەرىنە/ارەكەتسىزدىگىنە قۇقىقتىق باعا بەرىلەتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى