الەمدەگى ەڭ تازا سۋ جەزقازعاندا

جەر ورتاسى - جەزقازعاننىڭ سۋىنا ەۋروپالىقتاردىڭ ىنتىق بولۋىنىڭ وزىندىك سىرى بار. جەتى قابات جەر استىنداعى مۇزارتتان ەرىگەن سۋدىڭ قۇرامىندا ەشقانداي مينەرالدىق تۇزدار جوق، شىن مانىندە تابيعي ديستيلدەنگەن ساف تازا، ەڭ ساپالى سۋ بولىپ سانالادى. سۋدى قۇمىرالارعا قۇيىپ، ەۋروپاعا اسىرىپ جاتقان قازاقستاندىق بيزنەسمەن ۆورراحمەت ەلەيەۆتىڭ ايتۋىنشا، جەزقازعان تۇبىنەن شىعاتىن الەمدەگى ەڭ تازا اۋىزسۋ كەڭەس وداعى تۇسىندا دا وندىرىلگەن ەكەن. ءبىراق «بورجومي»، «ەسسەنتۋكي» مينەرالدى سۋلارى سياقتى كەڭىنەن تارالماعان.

تىم تەرەڭنەن شىعاتىن جەزقازعان سۋىنا تەڭ كەلەتىن اۋىزسۋ الەمدە سيرەك كەزدەسەدى ەكەن. سوندىقتان ول ءىرى پارتيالارمەن شىعارىلمايدى. ماسەلە ونىڭ ساپاسى مەن باعاسىندا. ساپالى سۋدىڭ قورى نەعۇرلىم از بولعان سايىن، ونىڭ قۇنى قىمبات بولاتىنى بەلگىلى.

مىسالى، Fine سۋى فۋدزي تاۋىنىڭ ۆۋلكاندىق بەلدەۋلەرىنەن 640 مەتر تەرەڭدىكتەن الىنادى جانە ونىڭ قۇمىراعا قۇيىلعاننان كەيىنگى قۇنى - 6 دوللار. ال نيۋفاۋندلەند جاعالاۋىنداعى 15 مىڭ جىلدىق ايسبەرگتەردەن الىناتىن Berg اتتى سۋدىڭ جارتى ليترى 7 دوللار تۇرادى.

ساتىلىمداعى سۋدىڭ ەڭ قىمباتى جانە ەڭ تازاسى - كاناداداعى ۆانكۋۆەر قالاسىنىڭ سولتۇستىگىنە قاراي ەكى ءجۇز شاقىرىمدا تۇرعان مۇزارتتان شىعاتىن «10 Thousand BC» سۋسىنى كورىنەدى. جەزقازعان سۋىنىڭ العاشقى پارتياسى قانداي باعامەن قاي ەلگە كەتكەنىن، سونداي-اق ءزام-ءزام بۇلاقتىڭ كوزى قاي جەردە ەكەندىگىن بيزنەسمەن ازىرگە اشىپ ايتپاي وتىر.

قايىرجان تورەجان

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى