ەلىمىز سۇرانىسسىز قالعان مال ءجۇنىن جاڭا سالادا قولدانادى
بۇل ەلدىمەكەندەردە تاۋ بوپ ءۇيىلىپ جاتقان ءتورت-تۇلىكتىڭ جۇنىنە دەگەن سۇرانىستى ارتتىرۋعا مۇمكىندىك بەرەدى. بۇل جونىندە اۋىل شارۋاشىلىعى ءمينيسترى ەربول قاراشوكەيەۆ «بەتپە- بەت» باعدارلاماسىندا ايتتى. قازىر قازاقستاندا وندىرىلەتىن ءجۇننىڭ 70 پايىزى ءىرى قىلشىقتى. ول نەگىزىنەن كيىز، پيما جاساۋعا قولدانىلادى. قازىر ەشكىم كيىز باسىپ، پيما كيمەيتىن بولعاندىقتان سۇرانىس جوق. ءمينيستردىڭ سوزىنشە جاڭا ءتاسىل ماسەلەنى ءبىرشاما شەشۋگە ىقپال ەتەدى.
ەربول قاراشوكەيەۆ، ق ر اۋىل شارۋاشىلىعى ءمينيسترى:
- ءىرى ءجۇندى پايدالانتىن بولساق. نەگىزى ساپاسى بىردەي. باعاسى ەكى ەسە تومەن. ءبىرىنشى كەزەڭدى بىتىردىك. سول عىلىمي زەرتتەۋلەردى. ەكىنشى كەزەڭ بىتكەننەن كەيىن ونى وندىرىسكە دايىندايتىن بولامىز. ول ءوندىرىس ءساتتى وتەتىن بولسا ءبىز سۇرانىسقا يە بولامىز. وسى جىلدىڭ باسىنان باستاپ تەرىنى وڭدەۋ جانە ءجۇندى وڭدەۋ قۇزىرەتى يندۋستريا ينفراقۇرىلىم مينيسترلىگىنەن اۋىل شاۋراشىلىعى مينيسترلىگىنە كوشتى. قازىر ەرەجەلەرگە وگەرىس ەنگىزىپ جاتىرمىز. وڭدەۋ زاۋىتتارى سالىنعان كەزدە 25 پايىزدىق ينۆەستيتسيالىق سۋبسيديانى تولەۋ قاراستىرىلىپ جاتىر.
