تۇركىستاندىق قاريا اۋىلعا سپورت الاڭشاسىن سالىپ بەردى
جاڭا ويىن الاڭشاسى زامان تالابىنا ساي سالىنعان. جان- جاعى تەمىرمەن قورشالىپ، قاۋىپسىزدىك شارالارى قاتاڭ ساقتالعان. جەرگە توسەلگەن جاسىل جەلەك تە ستاندارتتارعا ساي كەلىپ تۇر. ال الاڭشا سىرتىندا بۇلدىرشىندەر ءۇشىن ويىن قۇرالدارى ورناتىلدى. مۇندا بالالار بوس ۋاقىتىن ءتيىمدى وتكىزۋ ءۇشىن اتكەنشەك، تۋرنيك جانە وزگە دە جابدىقتار بار.
سپورت نىسانىنىڭ سالتاناتتى جاعدايدا اشىلۋىندا وتىرار اۋدانىنىڭ اكىمى ساكەن سۇلتانحانوۆ تۋعان جەرىن تۇلەتۋگە اتسالىسقان ازاماتقا اۋىل حالقىنىڭ اتىنان العىس ايتتى.
«اۋىلىنا قاراپ ازاماتىن تانى» دەپ دانا حالقىمىز بەكەر ايتپاعان. كيەلى وتىرار اۋدانىنىڭ، ونىڭ ىشىندە تەمىر اۋىلىنىڭ ءوسىپ- وركەندەۋى، گۇلدەنۋى وسى اۋىلدان شىققان ەل اعالارىنىڭ ارقاسىندا دەپ بىلەمىن. وسى ورايدا، مەملەكەت ساياساتىن ىسكە اسىرۋدا ءوزىنىڭ ازاماتتىق بورىشىنا ادالدىق تانىتىپ، تۋعان ەلىنىڭ، تۋعان جەرىنىڭ دامۋىنا اتسالىسىپ كەلە جاتقان سىزگە شىنايى العىسىمدى بىلدىرەمىن»، - دەدى اۋدان باسشىسى.
سالتاناتتى شاراعا قاتىسقان تۇركىستان وبلىستىق ءماسليحاتىنىڭ دەپۋتاتى مىرزاحان ماناپوۆ پەن ق ر ەڭبەك سىڭىرگەن جاتتىقتىرۋشىسى جوناربەك قانىبەكوۆ قاريانىڭ يگى ءىسى كوپكە ۇلگى بولۋىن تىلەدى. اۋداندىق ارداگەرلەر كەڭەسىنىڭ ءتوراعاسى بەكتىقۇل ارزىقۇل مەن تەمىر اۋىلدىق ارداگەرلەر ۇيىمىنىڭ ءتوراعاسى تورەحان امانتاي ەل يگىلىگى جولىنداعى ونەگەلى ىسكە ۇيىتقى بولعان دۇيسەنبەك بوجايەۆقا ريزاشىلىعىن ءبىلدىرىپ، اق باتاسىن بەردى.
سونداي- اق جاڭا الاڭدا 2010-2011 -جىلى تۋعان جاسوسپىرىمدەر اراسىندا فۋتبولدان اۋداندىق تۋرنير ءوتتى. ءىس- شارا سوڭىندا جەڭىمپازدار ماراپاتتالىپ، جۇلدەگەرلەرگە ارنايى سىيلىقتار تابىستالدى.
