شەتەلدىك ب ا ق-تاعى قازاقستان: ش ى ۇ-عا ءتوراعالىق، ليۋكسەمبۋرگپەن ۆيزانى جەڭىلدەتۋ ماسەلەسى
تولىعىراق قازاقپارات ساراپشىسىنىڭ شولۋ ماقالاسىندا.
The Economic times:كەلەسى اپتاداعى سامميتتەن سوڭ ش ى ۇ ءتوراعالىعى ءۇندىستاننان قازاقستانعا وتەدى
The Economic Times گازەتى 4-شىلدەدەگى ش ى ۇ سامميتىنەن كەيىن قازاقستان 2023 -جىلعى شىلدەدەن 2024 -جىلعى شىلدەگە دەيىن ۇيىمعا ءتوراعالىق ەتەتىنى تۋرالى جازدى.
«ءتوراعالىق كەزىندە قازاقستان قاۋىپسىزدىك ماسەلەلەرىنە، ەكونوميكا مەن ساۋداعا، ەنەرگەتيكا مەن دەنساۋلىق ساقتاۋ سالاسىنا باسا نازار اۋدارادى»، - دەلىنگەن ماتەريالدا.
trend.az:قازاقستان مەن ليۋكسەمبۋرگ ۆيزالىق رەجيمدى جەڭىلدەتۋ ماسەلەسىن تالقىلادى
30-ماۋسىمدا Trend.az باسىلىمىندا جاريالانعان ماقالادا ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ مەن ليۋكسەمبۋرگ ۇلى گەرتسوگتىگىنىڭ سىرتقى جانە ەۋروپالىق ىستەر جونىندەگى ءمينيسترى جان اسسەلبورن ەكى ەل ازاماتتارى ءۇشىن ۆيزا رەجيمىن جەڭىلدەتۋ ماسەلەسىن تالقىلاعانىن حابارلادى.
كەزدەسۋ بارىسىندا قوس تاراپ مادەني-گۋمانيتارلىق بايلانىستاردى كەڭەيتۋدىڭ ايتارلىقتاي الەۋەتى بارىن اتاپ ءوتىپ، ەكى ەل ازاماتتارىنىڭ ءوزارا قارىم-قاتىناسىن جاقسارتۋ ءۇشىن قولايلى جاعداي جاساۋدى تالقىلادى.
مۇرات نۇرتىلەۋ ليۋكسەمبۋرگ ازاماتتارى باسقا ەۋروپالىقتارمەن قاتار قازاقستانعا تۋريستىك نەمەسە ىسكەرلىك ۆيزا راسىمدەمەي كەلە الاتىنىن ايتتى. ول شەنگەن كەلىسىمىنە ليۋكسەمبۋرگ اۋماعىندا قول قويىلعانىن ەسكەرىپ، اسسەلبورن مىرزادان قازاقستان ازاماتتارى ءۇشىن ەۋروپا وداعىمەن ۆيزالىق رەجيمدى ليبەراليزاتسيالاۋ توڭىرەگىندەگى رەسمي كونسۋلتاتسياعا قولداۋ كورسەتۋدى سۇرادى.
سونىمەن قاتار مۇرات نۇرتىلەۋ اسسەلبورن مىرزاعا كەلىسسوز بارىسىندا قازاقستاننىڭ ساياسي ديالوگتى، ساۋدا- ەكونوميكالىق جانە مادەني- گۋمانيتارلىق ىنتىماقتاستىقتى كەڭەيتۋگە دەگەن نيەتىن قولداپ، ونى ەكى ەل ءۇشىن ورتاق ماقسات دەپ قۋاتتاعانى ءۇشىن العىس ايتتى.
ەكى مينيستر دە ەكىجاقتى قاتىناستاردى جاڭا بيىكتەرگە كوتەرۋ ماقساتىندا تىعىز ىنتىماقتاستىققا دايىن ەكەندىكتەرىن راستادى.
Eureporter: قازاقستان مەن گەرمانيا 1,7 ميلليارد دوللارلىق كەلىسىمدەرگە قول قويدى
Eureporter باسىلىمى 20-ماۋسىمدا استانادا وتكەن قازاقستان- گەرمانيا بيزنەس- فورۋمىنىڭ ناتيجەسىندە قۇنى 1,7 ميلليارد دوللاردان اساتىن 23 كوممەرتسيالىق كەلىسىمگە قول قويىلعانى تۋرالى حابارلادى.
«فورۋمعا 19-ماۋسىمدا قازاقستان پرەزيدەنتى قاسىم-جومارت توقايەۆ پەن قازاقستانعا رەسمي ساپارمەن كەلگەن گەرمانيا پرەزيدەنتى فرانك- ۆالتەر شتاينمايەر قاتىستى. تاراپتار سيرەك كەزدەسەتىن مەتالداردى وڭدەۋ، ستانوكتار مەن اۋىلشارۋاشىلىق ماشينالارىن جاساۋ، سونداي-اق توقىما ونەركاسىبى، بالىق اۋلاۋ جانە جاسىل ەنەرگەتيكا سالالارىندا ىنتىماقتاسۋعا كەلىستى»، - دەپ جازادى باسىلىم.
Pakistan observer: يران مەن قازاقستان اۋىل شارۋاشىلىعىنداعى ساۋدا كولەمىن 1 ميلليارد دوللارعا جەتكىزۋدى كوزدەپ وتىر
Pakistan observer باسىلىمى يران رەسپۋبليكاسى اۋىل شارۋاشىلىعى ءمينيسترىنىڭ ورىنباسارى اليرەزا پەيمانپاكتىڭ استاناعا ساپارىنىڭ نەگىزگى ماقساتى قازاقستاندىق جانە يراندىق بيزنەس اراسىندا جاڭا ىسكەرلىك بايلانىس ورناتۋ ەكەنىن جازدى. ول ەكى ەل اۋىل شارۋاشىلىعى مەن تاماق ونەركاسىبىندە ساۋدا الماسۋدى 1 ميلليارد دوللارعا جەتكىزۋدى كوزدەپ وتىرعانىن ايتتى.
«قازاقستانعا ساپارى بارىسىندا يران دەلەگاتسياسى الماتى مەن استانادا جاڭا ىسكەرلىك جانە بىرلەسكەن ينۆەستيتسيالىق مۇمكىندىكتەردى ەنگىزۋ بويىنشا ەكى مامانداندىرىلعان ىسكەرلىك كەزدەسۋگە قاتىستى»، - دەلىنگەن ماقالادا.
سونداي-اق پەيمان-پاك قازاقستان پرەمەر-ءمينيسترىنىڭ ورىنباسارى، ساۋدا ءمينيسترى، اۋىل شارۋاشىلىعى ءمينيسترى جانە الماتى اكىمىن قوسا العاندا، قازاقستاننىڭ رەسمي تۇلعالارىمەن كەزدەسىپ، كەلىسسوزدەر جۇرگىزىپ، ونىڭ بارىسىندا جەمىستەر مەن كوكونىستەر، ءسۇت ونىمدەرىن ەكسپورتتاۋ سياقتى ءتۇرلى سالالارداعى ىنتىماقتاستىعى، سونداي- اق قازاقستان رەسپۋبليكاسىنىڭ يران نارىعىنا جەتكىزۋ مۇمكىندىكتەرىن تالقىلادى.
تاسس: تبيليسي، استانا جانە باكۋ ترانسكاسپي ءدالىزى بويىنشا جول كارتاسىن دامىتۋعا كەلىستى
تاسس اقپارات اگەنتتىگى قازاقستان، گرۋزيا جانە ازەربايجان ترانسكاسپي (ورتا) كولىك ءدالىزىن دامىتۋ بويىنشا بەس جىلدىق جول كارتاسىن دامىتۋعا كەلىسكەنىن حابارلادى.
«قازاقستانمەن 2027 -جىلعا دەيىن «ورتا ءدالىزدى» دامىتۋ جوسپارى كەلىسىلدى. ءبىز ازەربايجان مەن قازاقستانمەن بارلىق كەدەرگىنى الىپ تاستاۋ جانە «ورتا ءدالىزدى» ، سونىڭ ىشىندە ورتالىق ازيا، قىتاي مەن جالپى ازيا ەلدەرى ءۇشىن وسى باعىت بويىنشا كوبىرەك جۇكتەردىڭ ءوتۋى ءۇشىن ونى تارتىمدى ەتۋ ماقساتىندا ىنتىماقتاسامىز»، - دەدى گرۋزيا پرەمەر-ءمينيسترى يراكلي گاريباشۆيلي.
گرۋزيا ۇكىمەتىنىڭ باسشىسى ءۇش ەل بارلىق كەدەرگىنى جويۋ جانە ورتا ءدالىزدى ودان دا ءتيىمدى ەتۋ ءۇشىن جۇمىس ىستەپ جاتقانىن اتاپ ءوتتى.
Agenda.ge: گرۋزيا پرەمەر-ءمينيسترى قازاقستانمەن «تىعىز، ستراتەگيالىق» بايلانىستاردى قۇپتادى
23-ماۋسىمدا ق ر پرەمەر-ءمينيسترى ءاليحان سمايىلوۆ گرۋزياعا رەسمي ساپارمەن باردى. گرۋزيا پرەمەر-ءمينيسترى يراكلي گاريباشۆيلي گرۋزياعا العاشقى رەسمي ساپارمەن كەلگەن قازاقستاندىق ارىپتەسى ءاليحان سمايىلوۆپەن وتكەن بريفينگتە ءوز ۇكىمەتىنىڭ قازاقستانمەن «تىعىز» جانە «ستراتەگيالىق» سەرىكتەستىگىن قۇپتادى.
گاريباشۆيلي تۋريستەر اعىنىمەن بىرگە قازاقستانمەن ەكسپورت پەن ساۋدانىڭ دا جىل ساناپ ارتقانىن ايتىپ، ءوز ەلىنە قازاقستاندىق ينۆەستيتسيانىڭ ماڭىزدى ەكەنىن اتاپ ءوتتى.
وسى كەزدەسۋلەر بارىسىندا سوڭعى 17 جىلدا گرۋزيالىق ينۆەستورلار قازاقستانعا 400 ميلليون دوللارعا جۋىق ينۆەستيتسيا قۇيسا، تەك وتكەن جىلدىڭ وزىندە 100 ميلليون دوللاردان استام ينۆەستيتسيا سالىنعانى ايتىلدى. ءوز كەزەگىندە قازاقستاندىق كاسىپكەرلەر گرۋزيا ەكونوميكاسىنا 530 ميلليون دوللاردان استام ينۆەستيتسيا قۇيعان.
سونداي-اق اعىمداعى جىلدىڭ قاڭتار- ءساۋىر ايلارى ارالىعىندا قازاقستان مەن گرۋزيا اراسىنداعى تاۋار اينالىمى 5 ەسە ارتىپ، 167 ميلليون ا ق ش دوللارىن قۇراعانى ءسوز بولدى.
