پەتروپاۆل اكىمى بولعان رۋسلان اڭبايەۆ اۋدان باسشىلىعىنا جىبەرىلدى
س ق و اكىمى باسپا ءسوز قىزمەتىنىڭ مالىمەتىنشە، اۋداننىڭ جاڭا اكىمىن ءوڭىر باسشىسى ايداربەك ساپاروۆ تانىستىردى.
رۋسلان اكىمجان ۇلى 1978 -جىلى س ق و سەليننوە اۋىلىندا دۇنيەگە كەلگەن.
م. قوزىبايەۆ اتىنداعى سولتۇستىك قازاقستان ۋنيۆەرسيتەتىن ءتامامداعان. ماماندىعى - ەكونوميست- مەنەدجەر، سونىمەن قاتار اگرونوم، زاڭگەر ماماندىقتارى بويىنشا جوعارى ءبىلىمى بار.
ەڭبەك جولىن 1999 -جىلى تيميريازيەۆ اۋدانى بويىنشا سالىق كوميتەتى تەكسەرۋ باسقارماسىنىڭ اعا سالىق ينسپەكتورى بولىپ باستادى.
2002-2015 -جىلدار ارالىعىندا ەسىل، تايىنشا، تيميريازيەۆ اۋداندارىنىڭ سالىق ورگاندارىندا ءتۇرلى لاۋازىمداردا قىزمەت اتقارعان.
2015 -جىلدان 2019 -جىلدىڭ قاڭتارىنا دەيىن سولتۇستىك قازاقستان وبلىسى اكىمى اپپاراتى باسشىسىنىڭ ورىنباسارى بولدى.
2019-2020 -جىلدارى مامليۋت اۋدانىندا اكىم بولىپ جالعاستىردى.
2020 -جىلدىڭ قازان ايىنان - تايىنشا اۋدانىنىڭ اكىمى.
ال بىلتىر 5-تامىزدا رۋسلان اڭبايەۆ پەتروپاۆل قالاسى اكىمى بولىپ قىزمەتكە كىرىسكەن ەدى.
بۇعان دەيىن پەتروپاۆل قالاسى اكىمى بولىپ سەرىك مۇحامەديەۆتىڭ تاعايىندالعانىن ايتقان ەدىك.
