الماتى وبلىسى اكىمدىگىنىڭ قىزمەتكەرى مەرەكەلىك ءىس- شارادان كەيىن قايتىس بولدى
الماتى وبلىسى اكىمدىگى باسپا ءسوز قىزمەتىنىڭ مالىمەتىنشە، كەشە 30-ماۋسىم كۇنى ەڭبەكشىقازاق اۋدانىندا جىل سايىنعى ءداستۇرلى Agro-Business Forum Assy-2023 فورۋمى ءوتتى. اۋقىمدى ءىس-شارا اياقتالعاننان كەيىن قاتىسۋشىلاردىڭ ءبىرى ءوزىن ناشار سەزىنگەن. تاۋدا كەزەكشىلىكتە بولعان فەلدشەرلەر وعان شۇعىل مەديتسينالىق كومەك كورسەتكەن، الايدا ەر ادام ەسىن جيماستان قايتىس بولدى. الماتى وبلىسىنىڭ اكىمدىگى مارقۇم بايتەرەك اۋىلدىق وكرۋگى اكىمى اپپاراتىندا باس مامان بولىپ جۇمىس ىستەگەنىن مالىمدەدى. سول كۇنى ول مەرەكەلىك شاراعا دەمالۋشى رەتىندە بارعان.
«اسى ءۇستىرتى - تەڭىز دەڭگەيىنەن 2800 مەتردەن استام بيىكتىكتە ورنالاسقان جايلاۋ. وسى جايت ونىڭ دەنساۋلىعىنىڭ ناشارلاۋىنا سەبەپ بولۋى مۇمكىن. ارىپتەستىڭ قازاسى - ۇجىم ءۇشىن ورنى تولماس قايعى. مارقۇمنىڭ وتباسىنا ماتەريالدىق كومەك كورسەتىلەدى»، - دەپ حابارادى الماتى وبلىسى اكىمدىگىنىڭ باسپا ءسوز قىزمەتىنەن.
