اقمولا وبلىسىندا ۇلتتىق دومبىرا كۇنىنە وراي كۇيشىلەر سايىسى ءوتتى - فوتو

اقمولا وبلىستىق مادەنيەت باسقارماسى باسپا ءسوز قىزمەتىنىڭ مالىمەتىنشە، كۇي ونەرىن قۇرمانعازىنىڭ مۋزىكالىق مۇراسى، حالىق شىعارماشىلىعىنىڭ جانرى رەتىندە ساقتاۋ جانە دارىپتەۋ، سونداي-اق دومبىرانى قازاق حالقى تاريحىنىڭ اجىراماس بولىگى رەتىندە ناسيحاتتاۋ، كاسىبي شەبەرلىكتى ارتتىرۋ، تاجىريبە الماسۋ جانە جاڭا تالانتتاردى انىقتاۋ ماقساتىندا ۇيىمداستىرىلعان بايقاۋ ەكى كەزەڭنەن تۇردى.

«العاشقى ىرىكتەۋ كەزەڭىنە اقكول، استراحان، اتباسار، بۇلاندى، بۋراباي، جاقسى، زەرەندى، قورعالجىن، شورتاندى اۋداندارى مەن ستەپنوگورسك، قوسشى جانە كوكشەتاۋ قالالارىنان 18-35 جاس ارالىعىنداعى 20 دان استام كۇيشى قاتىسىپ، باق سىنادى. مىقتى دەگەن 12 كۇيشى اقتىق سايىسقا جولداما الدى»، - دەدى ۆەدومستۆودان.

بايقاۋعا ءبىرجان سال اتىنداعى مۋزىكالىق كوللەدجىنىڭ وقىتۋشىسى، حالىقارالىق «شابىت» فەستيۆالىنىڭ لاۋرەاتى ساكەن ءبىرجانوۆ، رەسپۋبليكالىق بايقاۋلاردىڭ جەڭىمپازدارى مەن لاۋرەاتتارى سايات بابايەۆ جانە باۋىرجان بالتين قازىلىق ەتتى.

باسقارمانىڭ باسپا ءسوز قىزمەتىنەن اتاپ وتكەندەي، «كۇمبىرلەگەن كۇمىس كۇي» وبلىستىق كۇيشىلەر بايقاۋىنىڭ جۇلدەگەرلەرى 2-شىلدەدە ۇلتتىق دومبىرا كۇنىنە ارنالعان «دومبىرا» اتتى فلەش-موب-تا ماراپاتتالادى.

اتالعان شارادا 1,5 مىڭعا جۋىق اقمولالىق كاسىبي دومبىراشى، ۇكىلى ىبىراي اتىنداعى اقمولا وبلىستىق فيلارمونياسىنىڭ ك. كۇمىسبەكوۆ اتىنداعى قازاق ۇلتتىق اسپاپتار وركەسترى، دومبىراشىلار ءانسامبلى مەن كۇي مەكتەبىنىڭ شاكىرتتەرى بىرلەسىپ، قازاق حالىق كومپوزيتورلارىنىڭ كۇيلەرىن ورىندايدى.

ايتا كەتسەك، بۇدان بۇرىن اقمولا وبلىسىنداعى وتكەن الامان بايگەدە 8 جاستاعى شاباندوز ءبىرىنشى ورىن العانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى