قانداي اۋرۋعا قاتىستى اسكەرگە شاقىرىلعاندار بوساتىلادى
بۇل تۋرالى الماتى قالاسى قورعانىس ىستەرى دەپارتامەنتىنىڭ مەديتسينالىق قىزمەت باسشىسى قانىبەك ماناپوۆ ايتتى، دەپ حابارلايدى قازاقپارات ءتىلشىسى.
«ءالسىز جانە ورتا دارەجەلى وفتالمولوگيالىق اۋرۋلار بولعان كەزدە اسكەرگە شاقىرىلۋشىلار قىزمەتتەن شەتتەتىلمەيدى. اسكەرگە شاقىرىلۋشى اسكەري قىزمەتتەن بوساتۋدى كوزدىڭ اۋىر اۋرۋلارى بولعان جاعدايدا عانا الا الادى»، - دەيدى ول.
قانىبەك ماناپوۆتىڭ ايتۋىنشا، ءاربىر اۋداندىق اسكەري كوميسسارياتتا جانە قالالىق جيناۋ پۋنكتىندە مەديتسينالىق كوميسسيا قۇرامىندا پسيحياترلار مەن ناركولوگتار بار.
«پسيحياتر دارىگەرلەر اسكەرگە شاقىرىلعاندارمەن سويلەسىپ، تەكسەرەدى. سودان كەيىن مامان اسكەرگە شاقىرىلعاننىڭ جارامدىلىعى نەمەسە جارامايتىنى تۋرالى قورىتىندى شىعارادى. سونداي - اق قالالىق جيناۋ پۋنكتىندە Damumed دەرەكتەر بازاسىندا حالىقارالىق مەديتسينالىق اقپاراتتىق جۇيە قوسىلعان. قالالىق جينالۋ پۋنكتىنە كەلگەن بارلىق اسكەرگە شاقىرىلۋشى مەديتسينالىق كوميسسيا باستالار الدىندا وسى بازا ارقىلى تەكسەرىلەدى. وسىلايشا، دارىگەرلەر ديسپانسەرلىك ەسەپتە تۇرعانداردى، كىمدە قانداي سوزىلمالى اۋرۋلار بار ەكەنىن جانە تاعى باسقاسىن انىقتايدى»، - دەدى سپيكەر.
بۇعان دەيىن مەگاپوليستە كوكتەمگى اسكەرگە شاقىرۋ ناۋقانى اياقتالعانى تۋرالى جازعان ەدىك.
