گلادياتورلار سياقتى: ماسك پەن سۋكەربەرگ كوليزەيدە كۇش سىناسادى
يتاليا مادەنيەت ءمينيسترى كوليزەيدە الەم تاريحىنداعى ەڭ ۇلكەن ايقاستى ۇيىمداستىرۋ ىسىنە قاتىستى بىرنەشە كۇن بۇرىن سۋكەربەرگپەن حابارلاسقان. ال سۋكەربەرگ كومانداسى UFC پرەزيدەنتى دانا ۋايتقا حابارلاما جىبەردى. ونىڭ ادامدارى ەلدىڭ مادەنيەت مينيسترىمەن بايلانىسقان.
الەمنىڭ 7 كەرەمەتىنىڭ ءبىرى سانالاتىن، جەكپە- جەك وتكىزىلەتىن ورىنعا كەلەر بولساق، 2000 جىلدىق تاريحى بار امفيتەاتردا جۇزدەگەن جىل بويى ۇلكەن ءىس- شارا وتپەگەن.
2003 -جىلى سەر پول ماككارتني كوليزەيدە 400 كورەرمەنگە ارناپ ەكسكليۋزيۆتى قايىرىمدىلىق شوۋىن وتكىزگەن بولاتىن. كورەرمەننىڭ ءارقايسىسى 1500 دوللاردان تولەگەن ەدى. اد قالعان كونسەرتتەر عيماراتتىڭ سىرتىندا وتكىزىلگەن. ازىرگە ماسك پەن سۋكەربەرگ ايقاسى قايدا وتەتىنى (كوليزەي ىشىندە نەمەسە سىرتىندا) بەلگىسىز.
مۇنداعى قارسىلاستاردىڭ سالماعى مەن بويىنداعى ايىرماشىلىق ەڭ ۇلكەن كەدەرگى بولىپ وتىر. ويتكەنى ماسك سۋكەربەرگتەن الدەقايدا ءىرى جانە ۇزىن. دەگەنمەن الداعى ۋاقىتتا ەرەجە وزگەرۋى مۇمكىن.
ەسكە سالايىق، بۇعان دەيىن يلون ماسك مارك سۋكەربەرگكە قارسى جەكپە- جەككە قىزۋ دايىندىق جۇرگىزىپ جاتقانىن حابارلاعان ەدىك. قوس ميللياردەردىڭ وكتاگوندا جەكپە- جەك وتكىزۋىنە قاتىستى يدەيا 20-ماۋسىمدا تۋىنداعان.
