استانادا نۇكتەلىك قۇرىلىسقا قارسى كۇرەس ءجۇرىپ جاتىر
بۇل تۋرالى استانا اكىمى جەڭىس قاسىمبەك ءمالىم ەتتى، دەپ حابارلايدى قازاقپارات.
«قالادا وسىنداي 22 نىسان بار. بارلىق نىساننان حابارىمىز بار. ولار بويىنشا كورشى ۇيلەردىڭ تۇرعىندارىنىڭ باستاماشىل توپتارىمەن جانە قۇرىلىس سالۋشىلاردىڭ وكىلدەرىمەن بەلسەندى جۇمىس ىستەيمىز. قازىر ەكى نىساننىڭ ءىسى سوتتا، قالعاندارى بويىنشا شەشىم بار. ۋچاسكەلەر تۇرعىنداردىڭ پىكىرىن ەسكەرە وتىرىپ، الەۋمەتتىك نىسانداردى سالۋ ءۇشىن پايدالانىلاتىن بولادى.
مىسالى، ەسىل وزەنىنىڭ جاعاسىندا، كوسىگين كوشەسىنىڭ اۋدانىندا ەگجەي- تەگجەيلى جوسپارلاۋ جوباسىنا وزگەرىستەر ەنگىزىلدى، كوپپاتەرلى تۇرعىن ءۇي كەشەندەرى گۇلزارعا اۋىستىرىلدى، «Copenhagen» ت ك اۋدانىندا كوپپاتەرلى تۇرعىن ءۇي كەشەنى الاڭعا اۋىستىرىلدى. «Nova city» ت ك اۋدانىندا كوپپاتەرلى تۇرعىن ءۇي كەشەنى ءبىلىم بەرۋ ورتالىعىنا، «قالالىق رومانس» ت ك اۋدانىندا - مەكتەپكە جاڭا عيماراتقا، بالاباقشا مەن سكۆەرگە جانە ت. ب. اۋىستىرىلدى»، - دەدى جەڭىس قاسىمبەك.
سونداي- اق، استانا اكىمى بيىل قاڭتار ايىنان باستاپ ينجەنەرلىك جەلىلەرسىز جانە باس جوسپارسىز قۇرىلىسقا رۇقسات بەرىلمەيتىنىن اتاپ ءوتتى.
سونىمەن قاتار، ەگەر قانداي دا ءبىر قۇرىلىس كومپانياسى قۇرىلىستى تەحنيكالىق شارتتاردىڭ تولىق پاكەتىنسىز جالعاستىرسا، قۇرىلىس ۋچاسكەلەرىندەگى جۇمىس تولىعىمەن توقتاتىلادى جانە كومپانيا جوسىقسىز كومپانيالاردىڭ «قارا» تىزىمىنە ەنگىزىلەدى.
