ۇلىتاۋلىق جاستار تۇرعىن ۇيمەن قامتاماسىز ەتىلەدى

باعدارلاما 35 جاسقا دەيىنگى وبلىس تۇرعىندارىنا ءتيىمدى شارتتارمەن تۇرعىن ءۇي ساتىپ الۋعا مۇمكىندىك بەرەدى، دەپ حابارلايدى قازاقپارات.

ۇلىتاۋ وبلىسىنىڭ اكىمدىگى «وتباسى بانك» ا ق بىرلەسە وتىرىپ قولجەتىمدى قارىزدار بەرۋ ءۇشىن 750 ميلليون تەڭگە كولەمىندە قاراجات بولەدى، ونىڭ 500 ميلليون جەرگىلىكتى قاراجات ەسەبىنەن.

باعدارلاما قاتىسۋشىلارىنا جىلدىق نەسيە مولشەرلەمەسى %6 دى قۇرايدى. قارىزدىڭ ەڭ جوعارى سوماسى - 20 ميلليون تەڭگە. باستاپقى جارنا كەم دەگەندە %10 بولۋى كەرەك.

بۇگىنگى تاڭدا جەزقازعان قالاسىنان 30 ءوتىنىش بەرۋشى نەسيە الىپ، تۇرعىن ءۇي يەسى اتاندى. الداعى ۋاقىتتا باعدارلاما اياسىندا ۇيمەن قامتاماسىز ەتىلەتىن جاستار سانىن 44 كە دەيىن ارتتىرۋ جوسپارلانعان.

اتالمىش باعدارلامامەن تۇرعىن ءۇي الۋ بويىنشا بايقاۋعا كەلەسى مەملەكەتتىك ۇيىمداردىڭ: دەنساۋلىق ساقتاۋ، ءبىلىم بەرۋ، مادەنيەت، سپورت، باق، الەۋمەتتىك سالانىڭ شتاتتىق قىزمەتكەرلەرى قاتىسا الادى.

«Ulytau zhastary» باعدارلاماسىنا قاتىسۋ ءۇشىن ءوتىنىش بەرگەن كەزدە 35 جاستان (قوسا العاندا) اسپاۋى، قاتىسۋشىنىڭ جانە ونىڭ وتباسى مۇشەلەرىنىڭ ق ر اۋماعى بويىنشا سوڭعى 5 جىلدا مەنشىك قۇقىعىنداعى تۇرعىن ءۇيدىڭ بولماۋى، تاڭدالعان سالاداعى رەسمي جۇمىس ءوتىلى بولۋى ماڭىزدى. سونىمەن قاتار ايتا كەتەرلىگى، باعدارلاماعا ەرلى- زايىپتىلاردىڭ بىرەۋى عانا قاتىسا الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى