پرەزيدەنت «قىلمىستىق اتقارۋ جۇيەسىندەگى ۇزدىكسىز بەينەباقىلاۋ» جوباسىمەن تانىستى
پرەزيدەنت قاسىم- جومارت توقايەۆتىڭ تاپسىرماسىنا سايكەس قىلمىستىق اتقارۋ جۇيەسى مەكەمەلەرى ۇزدىكسىز بەينەباقىلاۋمەن جاراقتاندىرىلىپ جاتىر. بۇگىندە 52 مەكەمەدە 22042 بەينەكامەرا ورناتىلدى. جىل سوڭىنا دەيىن 26 مەكەمەدە 13822 بەينەكامەرا ورناتىلادى.
«اتالعان جوبا سوتتالعاندار جانە قىزمەتكەرلەر تاراپىنان جاسالاتىن قۇقىق بۇزۋشىلىقتاردىڭ الدىن الۋعا باعىتتالعان. باقىلاۋ ناقتى ۋاقىت رەجيمىندە جۇرگىزىلەدى.
جۇيە ىسكە قوسىلعالى بەرى تىركەلگەن قۇقىق بۇزۋشىلىقتار سانى 40 پايىزعا ارتتى، 3 تۇرمەدەن قاشۋ ارەكەتىنە جانە 13 ءوز- وزىنە قول جۇمساۋ ارەكەتىنە توسقاۋىل قويىلدى. وكىنىشكە قاراي، سوتتالعاندار وزدەرىنىڭ زاڭسىز ارەكەتتەرىنىڭ ءىزىن جاسىرۋ ءۇشىن بەينەباقىلاۋ كامەرالارىن ىستەن شىعارادى. ولار جىل باسىنان بەرى 300 دەن اسا بەينەكامەرانى سىندىرعان»، - دەپ جازدى اقوردانىڭ الەۋمەتتىك جەلىدەگى رەسمي پاراقشاسى.
پرەزيدەنت بەينەباقىلاۋ جۇيەسىنە نۇقسان كەلتىرگەنى ءۇشىن قىلمىستىق جاۋاپكەرشىلىك ەنگىزۋدى تاپسىردى.
