مينيستر: قىستا پاتەردەگى تومەن تەمپەراتۋراعا ۇيرەنۋ كەرەك

«20-21 گرادۋستى قۇرايتىن قالىپتى نورمالارعا ۇيرەنۋ كەرەك. قىستا بۇل تەمپەراتۋرا قالىپتى دەپ سانايمىز، سەبەبى رەسۋرستاردى ۇنەمدەۋ قاجەت. ءبىزدىڭ ەلدە ادامدار ۇيدەگى جوعارى تەمپەراتۋراعا ابدەن ۇيرەنىپ العان. مۇنىڭ سالدارى جىلۋ بەرۋ جەلىلەرىنە تىم جوعارى سالماق ءتۇسىرىپ وتىر»، - دەدى الىبەك قۋانتىروۆ پارلامەنت پالاتالارىنىڭ بىرلەسكەن وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، جىلۋ بويىنشا نورماتيۆ 21 گرادۋس شاماسىندا. تۇرعىندار قىستا 23-25 گرادۋسقا ۇيرەنىپ قالعان جانە ونى ءتيىستى نورماعا تۇسىرگەندە، حالىق شاعىمدانا باستايدى.

سونداي- اق ول قىستا تەرەزەنى نەمەسە بالكوندى اشۋ ارقىلى تەمپەراتۋرانى رەتتەمەۋگە شاقىردى.

«بىزدە ارناۋلى قۇرىلعىلاردى ورناتۋ كەرەك، بۇل رەتتە تۇرعىندار پاتەردەگى جىلۋدى قاداعالاپ، ەنەرگيانى ۇنەمدەۋگە نازار اۋدارا باستايدى. جالپى، ەلىمىزدەگى ينفراقۇرىلىمدى جاڭارتۋ شىعىندارى تەك تاريف ەسەبىنەن عانا ەمەس، سونىمەن قاتار بيۋدجەت قاراجاتىن يگەرۋ ارقىلى ىسكە اسىرىلادى. تاريف دەڭگەيى ادامدارعا سالماق تۇسىرمەۋى كەرەك. حالىقتىڭ الەۋمەتتىك وسال توپتارىنا اكىمدىكتەر ارقىلى وتەماقى تولەۋ مۇمكىندىگى بار»، - دەدى مينيستر.

ايتا كەتەيىك، ءا. قۋانتىروۆ بيىل جىلۋ تاريفتەرى قانشالىقتى قىمباتتايتىنىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى