قازاق كۇرەسىن وليمپيادا باعدارلاماسىنا ەنگىزۋ مۇمكىن بە
قازىر بۇل باعىتتا جۇمىس ءجۇرىپ جاتىر. ونىڭ بارىسى تۋرالى «قازاقستان بارىسى» قورىنىڭ رەسمي وكىلى دياس احمەتشارىپ ايتىپ بەردى، دەپ حابارلايدى قازاقپارات ءتىلشىسى.
«قازاقستان بارىسى» تۋرنيرىن حالىقارالىق دەڭگەيگە شىعارۋ بويىنشا بۇگىنگە دەيىن ۇلتتىق سپورت تۇرلەرىن كەڭىنەن دارىپتەپ كەلەمىز. مىسالى، جاپوندىقتاردىڭ سۋمو كۇرەسى، تاتارلاردىڭ بەلدەسۋ كۇرەسى، ال بىزدە قازاق كۇرەسى بار. ءبىزدىڭ باستى ماقسات - قازاق كۇرەسىن وليمپيادا باعدارلاماسىنا ەنگىزۋ. بۇگىندە قازاق كۇرەسى ەلىمىزبەن قاتار الىس-جاقىن شەتەلدە تانىمال. «قازاقستان بارىسىنان» بولەك ەۋرازيا جانە الەم بارىسىن وتكىزىپ كەلەمىز»، - دەدى دياس احمەتشارىپ ەلوردادا وتكەن باسپا ءسوز ءماسليحاتىندا.
ونىڭ ايتۋىنشا، قازاق كۇرەسىن حالىقارالىق ارەناعا شىعاراتىن ۋاقىت كەلدى.
«قازىر بۇل باعىتتا جۇمىس ءجۇرىپ جاتىر. مۇمكىن 2028 -جىلى، مۇمكىن 2032 -جىلى بولىپ قالار»، - دەيدى ول.
