استانا اكىمى قالا ماڭىنداعى ۇلكەن جانە كىشى تالدىكول تاعدىرى تۋرالى ايتتى

«1990-جىلدارى ۇلكەن تالدىكولدە 50 ميلليون تەكشە مەتر سۋ بولاتىن. 2000-جىلدارى 10 ميلليون بولدى. ال قازىر 1 ميلليون تەكشە مەتردەن از.

2015 -جىلدان باستاپ كارىز ارقىلى تالدىكولگە باراتىن سۋدى تازارتىپ، ونى ەسىل وزەنىنە جىبەرگەنبىز. ەندى مينيسترلىكپەن كەلىسىپ، ول سۋدى ۇلكەن تالدىكولگە باعىتتايتىن بولدىق. 2 اپتا بولدى سۋدى سول جاققا جىبەرىپ جاتىرمىز. ۇلكەن تالدىكولدىڭ كولەمىن 5 ەسە كوبەيتەمىز»، - دەدى جەڭىس قاسىمبەك بۇگىن ورتالىق كوممۋنيكاتسيالار ورتالىعىندا وتكەن بريفينگىدە.

ونىڭ سوزىنشە، ۇلكەن تالدىكولدىڭ كولەمىن ۇلعايتۋعا 1,5-2 جىل ۋاقىت كەتەدى.

«ال كىشى تالدىكولگە كەلسەك، وندا بىرنەشە كىشى وزەن بولاتىن. 9,3,7-ۋچاسكەلەر بويىنشا قازىر جۇمىستاردى اتقارامىز جانە ولاردى ساقتاپ قالامىز. ساياباق سالىنۋى ءتيىس ۋچاسكە - 5-شى. ونىڭ جوباسى قازىر ءازىر ەمەس، ءالى دايىندالىپ جاتىر. بۇل ماسەلەنى قالانىڭ تۇرعىندارىمەن اقىلداسۋ كەرەك. ءبىراق ول جەردە جاڭا قۇرىلىس بولمايدى. بۇعان دەيىن سالىنىپ قويعان ۇيلەردە ادامدار تۇرادى، بۇعان ەشتەڭە ىستەي المايمىز»، - دەپ ءمالىم ەتتى جەڭىس قاسىمبەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى