كەيبىرى ءوز ەركىمەن جۇمىستان كەتتى - جاماۋبايەۆ كازينو ويناعان ارىپتەستەرى جايلى
«مۇنداي جاعدايدا اپپارات باسشىسى ءمان- جايدى انىقتايدى. ول كادر ماسەلەسىنە تىكەلەي جاۋاپ بەرەدى. ءبىز مۇنى تەك زاڭناما اياسىندا قاراستىرامىز. قاتەلەسپەسەم، 25 قىزمەتكەرگە قاتىستى وسىنداي اقپارات بولدى. بارلىعىن قاتىستى اقپاراتتى تەكسەرىپ، ءتيىستى شارا قابىلدادىق»، - دەدى ول پارلامەنت پالاتالارىنىڭ بىرلەسكەن وتىرىسىنان كەيىن ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، كازينودا قۇمار ويىن ويناعان قارجى مينيسترلىگىنىڭ بىرنەشە قىزمەتكەرى جۇمىستان شىققان.
«ولاردىڭ اراسىندا بۇگىندە بىزدە جۇمىس ىستەمەيتىندەر دە بار. ءوز ەركىمەن جۇمىستان كەتتى. تارتىپتىك جاۋاپكەرشىلىككە دە تارتىلعاندار بار. ءاربىر قىزمەتكەرگە قاتىستى قىزمەتتىك تەرگەۋ جانە تەكسەرۋ جۇمىستارىن جۇرگىزىپ، سودان كەيىن عانا شەشىم قابىلدادىق»، - دەدى ەرۇلان جاماۋبايەۆ.
ەسكە سالساق، الماتى وبلىسىنىڭ پروكۋراتۋراسى كازينولارعا تەكسەرۋ جۇرگىزىپ، ەلىمىزدىڭ ءارتۇرلى وڭىرىنەن 300-دەن استام مەملەكەتتىك قىزمەتشىنىڭ قۇمار ويىن ويناعانىن انىقتادى. ولار كازينودا 507 ميلليون تەڭگە ۇتىلعان.
