الماتىدا ۇلتتىق دومبىرا كۇنى قالاي تويلانادى
مەرەكەلىك باعدارلاما اياسىندا مەيرامبەك بەسپايەۆ، اسىلبەك ەڭسەپوۆ، عازيزحان شەكەربەك، جانار ايجانوۆا، «الاش ۇلى» توبى، تامارا اسار، ەربولات قۇدايبەرگەن، نۇرلان البان، «ۇلىتاۋ» توبى، رايم ۋايس، Kyle Ruh, Made in KZ ونەر كورسەتەدى.
سونىمەن قاتار كونسەرتكە تانىمال كۇيشىلەر - نۇرجان تاجىكەنوۆ، ايگۇل قوسانوۆا، تىلەۋلەس قۇرمانعاليەۆ، ساۋلە جانپەيىسوۆا، گۇلميرا سارينا، ارداق يساتايەۆا جانە ەركىن قۇدايبەرگەن قاتىسادى.
ولار ۇلى كومپوزيتورلار قۇرمانعازى مەن ن. تىلەندييەۆتىڭ تانىمال حالىق اندەرى مەن شىعارمالارىن ورىندايدى.
ءىس- شارا اياسىندا قازاق حالىق اسپاپتارى شەبەرلەرىن - تالانتتى قولونەرشىلەردى ەستەلىك سىيلىقتارمەن ماراپاتتاۋ وتەدى.
ۇلتتىق دومبىرا كۇنى قالانىڭ باسقا اۋداندارىندا دا مەرەكەلەنەدى:
- اۋەزوۆ اۋدانىندا «ۇلتتىق دومبىرا كۇنى» مەرەكەلىك فلەشموبى 2 -شىلدە كۇنى ساعات 09:00-دە التىنسارين داڭعىلى، 23 مەكەنجايىندا اۋدان اكىمدىگى عيماراتىنىڭ الدىندا وتەدى.
- الاتاۋ اۋدانىندا «ناعىز قازاق قازاق ەمەس، ناعىز قازاق - دومبىرا!» مەرەكەلىك كونسەرتى ۇلتتىق دومبىرا كۇنىنە وراي 2 -شىلدە كۇنى ساعات 11:00-دە نۇركەنت 5/11 شاعىن اۋدانىنداعى ءداستۇرلى مۋزىكانىڭ مۋلتيمەديالىق ورتالىقتا وتەدى.
- جەتىسۋ اۋدانىندا ۇلتتىق دومبىرا كۇنىنە ارنالعان «التىن دومبىرا - جەتىسۋ اۋەنى» جانباسىنا قارجىلاندىرۋ اياسىندا بالالار اراسىنداعى بايقاۋ 2 -شىلدە كۇنى ساعات 12:00-دە سەرىكوۆ كوشەسى، 2 -مەكەنجايىنداعى «گۇلدەر» ساياباعىندا وتەدى.
- مەدەۋ اۋدانىندا 30 دومبىراشى مەن مەدەۋ اۋدانىنىڭ جالپى ءبىلىم بەرەتىن مەكتەپتەرى وقۋشىلارىنىڭ قاتىسۋىمەن شاعىن فلەشموب 1 -شىلدە ساعات 10:00-دە، زەنكوۆ كوشەسى جاعىنان 28 گۆاردياشى- پانفيلوۆشىلار اتىنداعى ساياباقتا وتەدى
- ناۋرىزباي اۋدانىندا «دومبىرا party» مەرەكەلىك كونسەرتى 30 -ماۋسىم كۇنى ساعات 19:00-دە شۇعىلا، 347 مەكەنجايىندا اۋدان اكىمدىگى عيماراتىنىڭ الدىندا وتەدى.
- تۇركسىب اۋدانىندا ۇلتتىق دومبىرا كۇنىنە ارنالعان مەرەكەلىك فلەشموب 1 -شىلدەدە ساعات 10:00-دە، سەيفۋللين داڭعىلى 13/1 بويىنداعى №6 وقۋشىلار ءۇيىنىڭ الدىنداعى الاڭدا وتەدى.
سونىمەن قاتار، المالى جانە بوستاندىق اۋداندارىندا ۇلتتىق دومبىرا كۇنىنە ارنالعان دومبىراشىلار فلەشموبى وتەدى.
ايتا كەتەرلىگى، ۇلتتىق اسپاپتىڭ قۇرمەتىنە ارنالعان مەرەكە قازاقستاندا شىلدەنىڭ ءبىرىنشى جەكسەنبىسىندە اتالىپ وتەدى.
بۇعان دەيىن ءانشى مەيرامبەك بەسبايەۆ الماتىلىقتاردى دومبىرا كۇنىنە ارنالعان ءىس- شاراعا ەرەكشە ادىسپەن شاقىرعان بولاتىن.
