ول ارابتىڭ كىشكەنتاي بالاسىنىڭ جۇزىنە تىكە قاراپ تۇرىپ اتىپ تاستادى- فرانسياداعى جاسوسپىرىم ءولىمى

جالپى ەرەۋىلگە 6 مىڭنان اسا ادام قاتىسقان. تۇرعىندار جاسوسپىرىمنىڭ ولىمىنە سەبەپ بولىپ، قاتىگەزدىك كورسەتكەن پوليتسيانى جازالاۋدى تالاپ ەتىپ وتىر.

حالىقتىڭ جاپپاي باس كوتەرۋىنە 17 جاستاعى جىگىتتىڭ كوز جۇمۋى تۇرتكى بولدى.

فرانسيانىڭ نانتەر قالاسىندا تالاپقا باعىنباعان جۇرگىزۋشىگە پوليتسيا وق اتقان.

بۇل جاعداي تۇرعىنداردى دۇرلىكتىردى.

پوليتسيا مەن نارازىلىق بىلدىرۋشىلەر اراسىنداعى قاقتىعىس ءۇشىنشى ءتۇن جالعاسىپ، 421 ادام قاماۋعا الىندى. ۇستالعانداردىڭ كوبى - 14-18 جاس ارالىعىنداعى جاسوسپىرىمدەر.

پاريجدە پوليتسيانىڭ كوپ بولۋىنا قاراماستان دۇكەندەر تونالىپ، كولىكتەر ورتەندى.

جاسوسپىرىمدى اتقان پوليتسيا قىزمەتكەرى مارقۇمنىڭ وتباسىنان كەشىرىم سۇرادى. وعان ءوز ەركىمەن كىسى ءولتىردى دەگەن ايىپ تاعىلدى.

17 جاسار ناەلدىڭ اناسى بۇعان دەيىن بۇكىل پوليتسيانى كىنالامايتىنىن ايتقان، ول تەك بالاسىن ولتىرگەن وفيتسەردى جازالاۋدى سۇراپ وتىر.

«ول ارابتىڭ كىشكەنتاي بالاسىنىڭ جۇزىنە تىكە قاراپ تۇرىپ اتىپ تاستادى»، - دەيدى ول.

كەشە، بەيسەنبىدە تۇستەن كەيىن مىڭداعان ادام ناەلدىڭ اناسى باستاعان بەيبىت قۇرمەت شەرۋىنە قاتىستى.

ەسكە سالا كەتەيىك، ءبىز بۇعان دەيىن نارازىلىق شەرۋى ءوتىپ جاتقان فرانسيا قالالارىنا ءتارتىپ ورناتۋ ءۇشىن 40 مىڭ پوليتسەي جونەلتىلەتىنىن حابارلاعان بولاتىنبىز.

بۇل تۋرالى ەلدىڭ ىشكى ىستەر ءمينيسترى جەرالد دارمانەن 29-ماۋسىم، بەيسەنبى كۇنى مالىمدەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى