نۇرسۇلتان نازاربايەۆ تاعى ءبىر ستاتۋسىنان ايىرىلۋى مۇمكىن
سەنات دەپۋتاتتارى كەيبىر زاڭنامالىق اكتىلەرگە كاسىبي بىلىكتىلىك، مەملەكەتتىك ناگرادالار، الەۋمەتتىك قامسىزداندىرۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ماقۇلدادى. ونى ىسكە اسىرۋ ءۇشىن ءبىرقاتار زاڭعا، ونىڭ ىشىندە «نازاربايەۆ ۋنيۆەرسيتەتىنىڭ»، «نازاربايەۆ زياتكەرلىك مەكتەپتەرىنىڭ» جانە «نازاربايەۆ قورىنىڭ» مارتەبەسى تۋرالى» وزگەرىستەر مەن تولىقتىرۋلار ەنگىزىلەتىن بولادى.
«مەملەكەت باسشىسىنىڭ دەربەس ءبىلىم بەرۋ ۇيىمدارىنىڭ جوعارى قامقورشىلىق كەڭەسىن قۇرۋ جونىندەگى وكىلەتىن ايقىنداۋ بويىنشا تۇزەتۋلەر كوزدەلگەن»، - دەلىنگەن سەنات قورىتىندىسىندا.
زاڭنىڭ قازىرگى رەداكسياسىندا جوعارعى قامقورشىلىق كەڭەستىڭ ءبىرىنشى ءتوراعاسى - نۇرسۇلتان نازاربايەۆ. وزگەرىستەرگە سايكەس پرەزيدەنت نەمەسە ول تاعايىنداعان ادام جوعارى قامقورشىلىق كەڭەستىڭ ءتوراعاسى بولادى.
Tengrinews.kz
