پرەزيدەنت تەلەراديوكەشەنى مەن نارىكبايەۆ ۋنيۆەرسيتەتى قازاقستاندا العاشقى حالىقارالىق جۋرناليستيكا مەكتەبىن اشادى
مەموراندۋمعا ت ر ك باس ديرەكتورى راۋشان قاجىبايەۆا مەن Maqsut Narikbayev University باسقارما ءتوراعاسى تالعات نارىكبايەۆ قول قويدى.
اتالعان قۇجات تالانتتى جاستاردى قولداۋ مەن كاسىبي دامىتۋداعى، قوعام مەن مەملەكەتتىڭ زاماناۋي كوممۋنيكاتيۆتىك سۇرانىستارىنا جاۋاپ بەرەتىن جۋرناليستىك كورپۋستى قالىپتاستىرۋداعى ماڭىزدى قادامنىڭ ءبىرى.
ءسات سايىن وزگەرەتىن مەديا نارىعى جاعدايىندا كاسىبي ءبىلىمنىڭ وزەكتىلىگى، ەلدە جانە الەمدە بولىپ جاتقان جاھاندىق ۇدەرىستەردەگى ب ا ق- تىڭ الەۋمەتتىك، مادەني، ساياسي، ەكونوميكالىق ءرولى ارتىپ كەلەدى. وسى تۇرعىدا پرەزيدەنت قاسىم- جومارت توقايەۆ قازاقستاندىق ب ا ق الدىنا ناقتى مىندەتتەر قويىپ وتىر.
«بۇقارالىق اقپارات قۇرالدارى قوعامدىق سانانى جاڭعىرتىپ، ۇلتتىڭ جاڭا ساپاسىن قالىپتاستىرۋدا باستى ءرول اتقارۋى قاجەت. ماسس- مەديانىڭ اقپارات كەڭىستىگىندە وزىق يدەيالار مەن كوزقاراستاردى ىلگەرىلەتۋدە مۇمكىندىگى مول. سوندىقتان جۋرناليستەردىڭ قوعامدا ەڭبەك پەن كاسىبيلىك كۋلتىنىڭ ورنىعۋىنا، ازاماتتاردىڭ بويىندا ءوز ەلىنىڭ تاعدىرىنا دەگەن جاۋاپكەرشىلىك سەزىمىن قالىپتاستىرۋعا اتسالىسۋى ماڭىزدى» - دەپ مەملەكەت باسشىسى ب ا ق قىزمەتكەرلەرىنىڭ كاسىبي مەرەكەسىمەن قۇتتىقتاۋىندا ەرەكشە اتاپ ءوتتى.
حالىقارالىق جۋرناليستيكا مەكتەبىنىڭ ءبىلىم بەرۋ باعدارلاماسىندا بۇقارالىق اقپارات قۇرالدارىنىڭ سوڭعى تەندەنتسيالارىنا سايكەس جۋرناليستيكانىڭ زاماناۋي ادىستەرىن وقىتۋعا ەرەكشە ءمان بەرىلەدى. تاجىريبە ءۇشىن مۇنداي مۇمكىندىكتەردى «Jibek Joly» تەلەارناسى، «قازاقپارات» ح ا ا، دەرەكتى كينو ورتالىعىنىڭ پلاتفورماسى ۇسىنادى.
«جوبانىڭ بىرەگەيلىگى - ءبىزدىڭ مەديا مەكتەبىمىز قوعام مەن مەملەكەت سۇرانىسىنا ساي جۋرناليستىك كورپۋستى تولىقتىراتىن كاسىبي جوعارى مامانداندىرىلعان مەديا ماماندارىن دايىندايدى»، - دەدى ق ر پرەزيدەنتى تەلەراديوكەشەنىنىڭ باسشىسى.
حالىقارالىق جۋرناليستيكا مەكتەبى ستۋدەنتتەرگە كاسىبي دامۋدىڭ ۇلكەن مۇمكىندىكتەرىن ۇسىنادى. وعان تاجىريبەلەر، جەتەكشى مەديا مەنەدجەرلەر مەن ساراپشىلار قاۋىمداستىعىنىڭ شەبەرلىك ساعاتتارى كىرەدى.
«Maqsut Narikbayev University جەتەكشى حالىقارالىق وقۋ ورىندارىمەن بەلسەندى ىنتىماقتاستىق ورناتقان. بۇل وزىق الەمدىك تاجىريبەنى قولدانۋعا مۇمكىندىك بەرەدى. ءبىزدىڭ جوبا قازاقستان جۋرناليستيكاسىنىڭ دامۋىنا، باق ماماندارىنىڭ جاڭا بۋىنىن دايىنداۋعا سەپتىگىن تيگىزەتىنىنە سەنىمدىمىز»، - دەدى تالعات نارىكبايەۆ.
