رەسپۋبليكالىق اقىندار بايقاۋىنىڭ جەڭىمپازدارى ماراپاتتالدى
بيىل 11- مارتە وتكەن ءمۇشايراعا ەلىمىزدىڭ بارلىق وڭىرىنەن جۇزدەن استام اقىن قاتىستى. ۇزدىكتەر ەلورداداعى «جاستار» تەاترىندا ماراپاتتالدى. رەسپۋبليكالىق بايقاۋدا بارلىعى 12 قاتىسۋشى جۇلدەگەر اتاندى.
«مەن بايقاۋ جەڭىمپازى — اباي اتىنداعى مەملەكەتتىك سىيلىقتىڭ لاۋرەاتى عالىم جايلىبايدى ماراپاتتادىم. ونىڭ «استانانىڭ اسپانى» ولەڭدەر توپتاماسىن قازاقستان جازۋشىلار وداعىنىڭ وكىلدەرى، تانىمال ادەبيەتشىلەر، سىنشىلار، عالىمداردان جاساقتالعان قازىلار القاسى وتە جوعارى باعالادى»، - دەدى مادەنيەت جانە سپورت ءمينيسترى اسحات ورالوۆ.
مينيستر ادەبي بايقاۋعا كەلىپ تۇسكەن بارلىق جۇمىستى جيناقتاپ كىتاپ شىعارۋدى جانە ونى ەلىمىزدىڭ كىتاپحانالارىنا تاراتۋدى ۇسىندى.
«تاعى ءبىر ۇسىنىس - مۇنداي ءىس- شارالاردى تەك استانا مەن الماتىدا عانا ەمەس، سونداي- اق تالانتتى جاستارى بار ەلىمىزدىڭ بارلىق وڭىرلەرىندە وتكىزۋ كەرەك. وسى ارقىلى ءبىز ولارعا وزدەرىن تانىتۋعا جانە الەۋەتىن كورسەتۋگە مۇمكىندىك بەرەمىز. ول ءۇشىن قازاقستان جازۋشىلار وداعىمەن تىعىز ستراتەگيالىق ارىپتەستىك شەڭبەرىندە جۇمىس ىستەيتىن بولامىز، ونىڭ ىشىندە بۇكىل ەل بويىنشا وسىنداي كونكۋرستاردى وتكىزۋگە قارجىلىق قولداۋ كورسەتىلەتىن بولادى»، - دەدى مينيستر.
