ساقال-مۇرتى «وسكەن» مەيرامبەك بەسبايەۆ حالىققا پرانك جاسادى
ءانشى ونەردەگى ۇزەڭگىلەستەرىمەن بىرلەسىپ، قالا كوشەلەرىندە تۇرعىندارعا پرانك ۇيىمداستىردى. ول جاساندى ساقال-مۇرت تاعىپ، كوزىلدىرىك پەن بەيسبولكا كيىپ، ەل تانىمايتىن وبرازدا كوشەگە شىقتى.
سولاي، دالادا دومبىرامەن حالىق الدىندا ونەر كورسەتىپ وتىرعان ەر ادامعا تايانىپ، اسپابىندا ويناۋعا رۇقسات سۇرادى. جينالىپ تۇرعان جۇرت بەلگىسىز ەر ادامعا دومبىرانى بەرۋدى قوشتاي كەتىپ، قولىنان كەلەر ونەردى تاعاتسىزدانا كۇتىپ تۇردى.
م. بەسبايەۆ دومبىرانى قولىنا از- ماز ۇستاپ وتىرىپ، كۇمبىرلەتە كۇي تارتا جونەلگەندە قاۋمالاپ تۇرعان جۇرت دۋ ەتە قالدى. ارقالانىپ، ودان ءارى ويناي ءتۇسۋىن سۇرادى.
بىرنەشە كومپوزيتسيا ورىنداعان ءارتىس ينكوگنيتو وبرازىنان شىعىپ، جاساندى ساقال- مۇرتىن، باس كيىمىن شەشتى. ءانشىنىڭ بۇل پرانكىن حالىق جىلى قابىلداپ، شاپالاق سوعىپ، ونىمەن سۋرەتكە تۇسۋگە اسىقتى.
ال مەيرامبەك بەسپايەۆ قازاقستاندىقتاردى دومبىرا كۇنىنە ارنالعان شارانىڭ كورەرمەنى بولۋعا شاقىردى.
«قىمباتتى دوستار، بارلىقتارىڭىزدى كورۋگە قۋانىشتىمىن! 2-شىلدە كۇنى اباي الاڭىندا، ياعني رەسپۋبليكا سارايىنىڭ الدىندا وتەتىن دومبىرا كۇنىنە بارشاڭىزدى شاقىرامىن. كەلىڭىزدەر!»، - دەدى ول ميكروفوندى الىپ.
