بۇگىن بريۋسسەلدە ەۋرووداق سامميتى باستالادى
ەۋرووداققا مۇشە 27 ەلدىڭ كوشباسشىلارى ەكى كۇندىك سامميتكە جينالادى.
وتىرىس بۇگىن پرەزيدەنتتەر نەمەسە ەۋروپا مەملەكەتتەرى پرەمەر- مينيسترلەرىنىڭ جۇمىس بارىسىنداعى تۇسكى اسىمەن باستالادى.
سامميت قاتىسۋشىلارى ادەتتەگىدەي ەۋروپا پارلامەنتىنىڭ پرەزيدەنتى روبەرتو مەتسولومەن پىكىر الماسادى.
سونىمەن قاتار سامميتتىڭ العاشقى كۇنى ەو كوشباسشىلارى ناتو باس حاتشىسى سەنس ستولتەنبەرگپەن كەزدەسەدى.
ەۋروپالىق كەڭەس باسپا ءسوز قىزمەتىنىڭ مالىمەتى بويىنشا، ە و باسشىلارى بريۋسسەلدە ۋكرايناعا ماتەريالدىق كومەك كورسەتۋ، ەۋروپا ەكونوميكاسى، قاۋىپسىزدىگى مەن قورعانىسى، ميگراتسيانى رەتتەۋ، قىتايمەن جانە باسقا دا مەملەكەتتەرمەن قارىم- قاتىناسى ماسەلەلەرىن تالقىلايدى.
