تيتان باتيسكافى سىنىقتارى اراسىنان، بولجام بويىنشا، ادام سۇيەكتەرى تابىلدى

«تيتانيككە تەرەڭ سۇڭگىگەن كەزدە جارىلىپ كەتكەن سۇڭگۋىر قايىق قالدىقتارى سارسەنبى، 28 -ماۋسىمدا كانادانىڭ سەنت- دجونس پورتىنا شىعارىلدى.

ا ق ش مەديتسينا قىزمەتكەرلەرى ادام قالدىقتارىنا رەسمي تالداۋ جاسايدى، دەلىنگەن جاعالاۋ كۇزەتىنىڭ مالىمدەمەسىندە.

ا ق ش جاعالاۋ كۇزەتىنىڭ تەڭىز وقيعالارىن تەرگەۋ كوميسسياسى (MBI) دالەلدەردى ارى قاراي تالداپ، زەرتتەۋ ءۇشىن امەريكالىق پورتقا جەتكىزەدى.

MBI ءتوراعاسى، كاپيتان دجەيسون نويباۋەر «تيتاننىڭ» اپاتقا ۇشىراۋىنا سەبەپ بولعان فاكتورلاردى انىقتاپ، مۇنداي قايعىلى وقيعا قايتالانباس ءۇشىن ءالى اۋقىمدى جۇمىس اتقارۋىمىز كەرەك» دەپ اتاپ ءوتتى. سونىمەن قاتار، ول ەكسترەمال تەڭىز تەرەڭىندەگى دەرەكتەردى ساقتاپ، قالپىنا كەلتىرۋگە كومەكتەسكەن سەرىكتەستەرىنىڭ ۇيلەسكەن حالىقارالىق جانە ۆەدومستۆوارالىق قولداۋىنا العىس ايتتى.

باتيسكاف 18 -ماۋسىمدا سۋ استىنا سۇڭگىپ كەتكەننەن كەيىن 90 مينۋتتان سوڭ جارىلىپ، بورتتاعى بەس ادام دا مەرت بولدى.

بورتتا 58 جاستاعى بريتان كاسىپكەرى جانە زەرتتەۋشى حەميش حاردينگ، 48 جاستاعى پاكىستاندىق كاسىپكەر شاحزادا داۆۋد پەن ونىڭ 19 جاستاعى ۇلى سۋلەيمان، OceanGate كومپانياسىنىڭ ديرەكتورى 61 جاستاعى ستوكتون راش، سونىمەن قاتار 77 جاستاعى فرانسۋز زەرتتەۋشىسى پول- انري نارجولە بولدى.

اۋەلدە رەسمي تۇلعالار ءمايىتتىڭ تابىلۋى مۇمكىن ەكەنىنە سەنبەدى.

كەمەنىڭ جوعالىپ كەتكەنى راستالعاننان كەيىن كوپ ۇزاماي ا ق ش جاعالاۋ كۇزەتىنىڭ كونتر- ادميرالى دجون موگەر «بۇل مۇمكىن ەمەس، تەڭىز ءتۇبى قاۋىپتى» دەدى.

سول كەزدە كاپيتان نويباۋەر تەرگەۋشىلەر «ادام قالدىقتارىن تاپسا بارلىق ساقتىق شارالارىن» ساقتايتىنىن جانە تەرگەۋدە كۋاگەرلەرمەن رەسمي تىڭدالىم بولاتىنىن ايتتى.

جاعالاۋ كۇزەتىنىڭ سوزىنشە، قازىرگى ۋاقىتتا سۇڭگۋىر قايىقتىڭ نەگىزگى بەس بولىگى تيتانيكتىڭ تۇمسىق بولىگىندەگى قالدىقتار جاتقان الاڭنان تابىلدى.

قۇتقارۋ ميسسياسىن Horizon Arctic كانادالىق كەمەسى باسقاردى، بورتىندا قاشىقتان باسقارىلاتىن Pelagic Research Services اپپاراتى بولدى. سارسەنبى كۇنى كومپانيا كوماندا تەڭىز وپەراتسيالارىن اياقتاپ، بازاعا قايتىپ كەلە جاتقانىن حابارلاعان بولاتىن.

ەسكە سالا كەتەيىك، 18- ماۋسىمدا «تيتان» باتيسكافى تيتانيك كەمەسىنىڭ مۇحيت تۇبىندە 3,7 ك م تەرەڭدىكتە جاتقان قاڭقاسىن كورۋ ءۇشىن سۋ استىنا ءتۇستى.

شامامەن 1 ساعات 45 مينۋتتان كەيىن سۇڭگۋىر قايىقپەن بايلانىس ءۇزىلدى.

اۋقىمدى ىزدەستىرۋ- قۇتقارۋ وپەراتسياسى نيۋفاۋندلەند (كانادا) جاعالاۋىندا جەرگىلىكتى ۋاقىت بويىنشا 17:40 شاماسىندا، «تيتان» سۋ بەتىنە شىعۋى ءتيىس ۋاقىتتان كەيىن شامامەن ءۇش ساعات وتكەندە باستالدى.

ا ق ش جاعالاۋ كۇزەتى سولتۇستىك اتلانت مۇحيتىندا جوعالىپ كەتكەن «تيتان» سۇڭگۋىر قايىعىن ىزدەستىرۋ ايماعىنان الدەبىر ءجۇزۋ قۇرالىنىڭ جارىقشاقتارى مەن سىنىقتارى تابىلعانىن حابارلادى.

بورتتا بولعان بەس ادام دا قازا تاپقان.

اۆتور:

بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى