وڭتۇستىك كورەيالىقتار رەسمي تۇردە ءبىر-ەكى جاسقا جاسارادى
«كورەيلىك ءتاسىل» جويىلادى - رەسپۋبليكا ازاماتتارى ءبىر-ەكى جاسقا «جاسارادى»، دەپ حابارلايدى قازاقپارات mir24.tv-عا سىلتەمە جاساپ.
ءتيىستى زاڭدى وتكەن جىلدىڭ سوڭىندا پارلامەنت قابىلداعان بولاتىن.
جاڭا تۋعان نارەستەنى ءنول جاستان تىركەپ، سودان كەيىن تۋعان كۇنىندە ءبىر جاستان قوسىپ وتىراتىن الەمدىك جاستى ەسەپتەۋ جۇيەسى وڭتۇستىك كورەيادا 1960 -جىلدان بەرى قولدانىلىپ كەلەدى. دەگەنمەن، ول تەك مەديتسينادا قولدانىلادى - ناۋقاستىڭ فيزيكالىق جاسىن انىقتاۋ ءۇشىن، سونداي-اق سوتتا جانە باسقا دا سالالاردا داۋلار بولعان كەزدە.
كوپتەگەن باسقا جاعدايلاردا، مىسالى، جاس كورەيلىككە الكوگولدى قاي ۋاقىتتان باستاپ ساتۋعا بولاتىنىن ءبىلۋ ءۇشىن ءداستۇرلى جۇيەلەر قولدانىلادى. وڭتۇستىك كورەيادا ونداي جۇيە ەكەۋ. بىرىنشىدەن: جاڭا تۋعان نارەستەگە ءبىر جاس «تاعايىندالادى»، سودان كەيىن اي كۇنتىزبەسى بويىنشا جاڭا جىلدىڭ ءبىرىنشى كۇنى ءبىر جاس قوسىلادى. ەكىنشىدەن: تۋعان كەزدە ءنول جاس جازىلادى، ال ءار جىلدىڭ 1-قاڭتارىندا جاسى ۇلعايتىلادى.
ناتيجەسىندە، 28-ماۋسىمدا بولاتىن ستاندارتتى جاس ساناۋ جۇيەسىنە كوشكەن كەزدە، ەلدىڭ كەيبىر تۇرعىندارى قۇجاتتار بويىنشا ءبىر جىل نەمەسە ءتىپتى ەكى جىل جوعالتادى. مىسالى، 2002 -جىلى 31-جەلتوقساندا دۇنيەگە كەلگەن كورەيا ازاماتى 8-جەلتوقساندا حالىقارالىق جۇيە بويىنشا 19 جاسقا تولدى، ال رەسپۋبليكادا قابىلدانعان ەكى جۇيە بويىنشا - 20 نەمەسە 21 جاستا، دەپ جازادى Time جۋرنالى.
