ماماندار «تيتان» ەكيپاجىنىڭ قالاي قازا تاپقانىن ايتىپ بەردى

«قۇرىلعىنىڭ كورپۋسى جىلدام، ميلليسەكۋندتىڭ از عانا بولىگىندە جارىلىپ كەتكەن. مۇنىڭ ءبارى ىشتەگى ادامدار باتيسكافتا اقاۋ بار ەكەنىن تۇسىنبەي تۇرىپ بولعان شىعار. ولار قينالماي ومىردەن وتكەن»، - دەدى عالىم.

رەسەيلىك وكەانوگراف سەرگەي مۇحامەتوۆ تە «تيتاننىڭ» ەكيپاجى ءاپ- ساتتە قازا تاپتى دەپ ەسەپتەيدى. ونىڭ ويىنشا، بۇل جەكسەنبى كۇنى - سۇڭگۋىر قايىقتىڭ جوعالىپ كەتكەن كۇنى بولاتىن.

بۇعان دەيىن حابارلانعانداي، جوعالىپ كەتكەن «تيتان» سۇڭگۋىردىڭ قالدىقتارى اتلانت مۇحيتىنان تابىلعان بولۋى مۇمكىن. «بولشەكتەرى تابىلسا، وندا باتيسكاف جارىلىپ كەتىپ، ەكيپاجى بىردەن قازا تابادى... مەن ولاردىڭ جەكسەنبى كۇنى ومىردەن وتكەنىنە سەنىمدىمىن»، - دەدى ر ي ا نوۆوستيگە بەرگەن سۇحباتىندا وكەانولوگ.

ساراپشىلار مارقۇمداردىڭ قالدىقتارىن تابۋ مۇمكىندىگى وتە از ەكەنىن اتاپ ءوتتى. ال باتيسكافتىڭ جارىلۋ سەبەپتەرى تۋرالى قۇرىلعىنى جەر بەتىنە كوتەرمەيىنشە قورىتىندى جاساۋ قيىن.

مامانداردىڭ ايتۋىنشا، سۋ استىنداعى قايىق دۇرىس ەمەس قۇراستىرىلۋىنا بايلانىستى جارىلۋى مۇمكىن. كەمەنىڭ كورپۋسى ىشىندە تۇتىنۋشىلار مەن باسقا جولاۋشىلارعا كوبىرەك ورىن بولاتىنداي ەتىپ ۇزارتىلعان. سونىمەن قاتار، كورپۋس تولىق تيتاننان جاسالماعان.

«ولار ونى كومپوزيتتەردەن قۇراستىرعان، ادەتتە كورپۋس تيتاننان جاسالادى. ءيا، كومپوزيت وتە بەرىك. ءبىراق كومپوزيتتەرگە قاتىستى پروبلەمالار دا بار، سونىمەن قاتار كومپوزيتتەر باسقالارعا قاراعاندا ءسال وزگەشە جارىلادى»، - دەپ كەلتىرەدى Euronews تەڭىز ينجەنەرى دجاسپەر گرەم- دجونستىڭ ءسوزىن.

كورپۋستىڭ قالىڭدىعى دا جەتكىلىكتى ەمەس، ول شامامەن 13 سانتيمەتردى قۇرايدى. ساراپشىلاردىڭ پىكىرىنشە، 4 ك م تەرەڭدىكتەگى قىسىمعا مۇنداي قالىڭدىق توتەپ بەرە المايدى. سونىمەن بىرگە 5 ەكيپاجدىڭ ەشقانداي رۇقسات قۇجاتى بولماعان.

ايتا كەتەيىك، اتلانت مۇحيتىندا دۇيسەنبى كۇنى سۋعا باتقان «تيتانيك» كەمەسىنىڭ قيراندىلارىنا تۋريستەردى اكەلگەن جەكە سۇڭگۋىر قايىق بايلانىسىن توقتاتقان.

ول 18-ماۋسىمدا سۋعا باتقاننان كەيىن شامامەن ءبىر ساعات 45 مينۋتتان كەيىن بايلانىسىن ۇزگەن. بىرنەشە ساعاتتان سوڭ ا ق ش اسكەري- تەڭىز كۇشتەرىنىڭ وتە قۇپيا اكۋستيكالىق جۇيەسى اتلانت مۇحيتىندا جارىلىستى تىركەگەن.

ا ق ش جاعالاۋ كۇزەتىنىڭ حابارلاۋىنشا، سۋعا باتقان «تيتانيكتەن» 200 مەتردەن استام جەردە سۇڭگۋىردىڭ سىنىقتارى تابىلعان. قۇرامىندا بريتاندىق ميللياردەر حاميش حاردينگ، فرانسۋزدىڭ تەڭىز ارداگەرى پول- انري ناردجولە، امەريكلىق «تيتانيك» تۋريستىك كومپانياسىنىڭ نەگىزىن قالاۋشى ستوكتون راش جانە پاكىستاندىق كاسىپكەر شاحزادا داۋد پەن ونىڭ 19 جاستاعى ۇلى سۇلەيمان بولعان ەكيپاج قايتىس بولدى دەپ جاريالاندى.

ت. راۋشان ۇلى

اقپارات دەرەككوزى: https://massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى