عالامشار شۆەيتساريانىڭ كولەمىندەي تروپيكالىق ورمانىنان ايىرىلدى

وتكەن جىلى ءار 5 سەكۋندتا كولەمى فۋتبول الاڭىنداي تروپيكالىق اعاشتار ورتەندى نەمەسە كەسىلدى. بۇل 2021 -جىلمەن سالىستىرعاندا % 10 كوپ، دەپ مالىمدەدى ۆاشينگتون الەمدىك رەسۋرستار ينستيتۋتى (WRI).

ەڭ كوپ زارداپ شەككەن ەل - برازيليا، ونىڭ جويىلعان اۋماعى جاھاندىق شىعىنداردىڭ % 43 قۇرايدى، ودان كەيىن كونگو دەموكراتيالىق رەسپۋبليكاسى (%13) جانە بوليۆيا (%9) تۇر.

برازيليادا ورمانداردى قۇرتۋ جاعدايى ودان ءارى ناشارلاپ، ءبىر جىلدا تاعى % 15 ارتتى، دەلىنگەن GFW جىل سايىنعى بايانداماسىندا. برازيليانىڭ ەكس- پرەزيدەنتى جاير بولسونارۋ بيلىك باسىندا بولعان كەزدە ورماننىڭ زاڭسىز كەسىلۋىنە كوز جۇما قارالىپ كەلگەن. قاڭتار ايىندا ونىڭ ورنىنا كەلگەن پرەزيدەنت لۋيس يناسيو لۋلا دا سيلۆا برازيليا امازونكاسىنىڭ جويىلۋىن 2030 -جىلعا قاراي توقتاتۋعا ۋادە بەردى.

الايدا، ساراپشىلار بۇل ماقساتقا جەتۋ جولىندا كوپتەگەن كەدەرگى بار دەپ سانايدى. WRI مالىمەتتەرى بويىنشا، 2022 -جىلى جويىلعان تروپيكالىق ورماندار 2,7 ميلليارد توننا وتتەگى شىعاردى، بۇل الەمدەگى ەڭ كوپ قونىستانعان ءۇندىستاننىڭ جىلدىق شىعارىندىسىمەن تەڭ. شامامەن 1,6 ميلليارد ادام كۇنكورىس كوزى رەتىندە ورمان رەسۋرستارىنا تىكەلەي تاۋەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى