الماتىدا ءال- فارابي مەن اباي داڭعىلىندا كولىك قوزعالىسى شەكتەلەدى

«اسفالت بەتون جابىنىن توسەۋگە بايلانىستى 1-3 شىلدە ارالىعىندا كەشكى ساعات 22:00 دەن تاڭعى 06:00 گە دەيىن تۇنگى ۋاقىتتا اباي كوشەسىنىڭ دوستىق داڭعىلىنان نازاربايەۆ داڭعىلىنا دەيىنگى بولىگىندە سولتۇستىك باعىتتا كولىك قوزعالىسى شەكتەلەدى»، - دەپ حابارلادى باسقارمادان.

باتىس باعىتتا جول قوزعالىسى اباي داڭعىلىنىڭ وڭتۇستىك بولىگى بويىنشا جۇزەگە اسىرىلادى. سونىمەن قاتار قونايەۆ كوشەسىنىڭ قۇرمانعازى كوشەسىنەن اباي داڭعىلىنا دەيىنگى بولىگى جابىلادى.

«بۇدان بولەك، اسفالت جابىنىن توسەۋ جۇمىستارىنا بايلانىستى ءال- فارابي داڭعىلىنىڭ روزىباكييەۆ كوشەسىمەن قيىلىسىنداعى جولايىرىقتىڭ توننەل بولىگىندە 28-30 ماۋسىم ارالىعىندا كەشكى ساعات 22:00 دەن تاڭعى 06:00 گە دەيىن تۇنگى ۋاقىتتا كولىك قوزعالىسى شەكتەلەدى»، - دەپ اتاپ ءوتتى ۆەدومستۆودان.

اۆتوكولىك قوزعالىسى سولتۇستىك جانە شىعىس باعىتتا قوجابەكوۆ، ناۋاي جانە گاگارين كوشەلەرىمەن ۇيىمداستىرىلادى.

ماڭايداعى كوشەلەردە كولىك قوزعالىسى وزگەرىسسىز قالادى.

«كەلتىرىلگەن قولايسىزدىق ءۇشىن كەشىرىم سۇرايمىز جانە مارشرۋتىڭىزدى الدىن الا باعدارلاۋ قاجەتتىگىن ەسكەرتەمىز»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى