قالانى ءتۇتىن باستى: وسكەمەن ىرگەسىندە دالا ءورتىنىڭ بەتى قايتتى
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وسكەمەن قالاسى گلۋبوكوە اۋدانىنىڭ اۋماعىندا ورنالاسقان كومسومول ورمانشىلىعىندا ءورت شىققان.
ءشوپتى شارپىعان ءتىلسىز جاۋدى اۋىزدىقتاۋعا جىلدامدىعى سەكۋندىنا 8 مەترگە دەيىن سوققان جەل كەدەرگى كەلتىردى. شىعىس قازاقستان وبلىسىنىڭ اۋە بولىمشەسىنىڭ م ي-8 تىكۇشاعى ءورت سوندىرۋشىلەرگە كومەككە كەلدى. قازىرگى ۋاقىتتا جالىن وقشاۋلاندى.
«ءورتتىڭ شىعۋىنا وتتى ابايسىز پايدالانۋ سەبەپ بولۋى مۇمكىن. باعىتى وزگەرگەن قاتتى جەلدىڭ كەسىرىنەن ءورت تەز ءورشىدى. قالانى ءتۇتىن باسىپ، تۇرعىندارعا كۇيىك ءيىسى سەزىلدى. سودان سوڭ شقو اۋە بولىمشەسىنىڭ سۋ توگەتىن قۇرىلعىسى بار تىكۇشاعىن تارتۋ تۋرالى شەشىم قابىلداندى. تىكۇشاقتان ءورت وشاقتارىنا 7 رەت سۋ توگىلدى. بۇل تارالىپ كەلە جاتقان وتتى توقتاتۋعا كومەكتەستى. ودان كەيىن ءورت سوندىرۋشىلەر جەرگىلىكتى اتقارۋشى ورگاندارمەن جانە ورمانشىلارمەن بىرلەسىپ، قالعان جالىن وشاقتارىمەن كۇرەستى جالعاستىردى»، - دەدى وبلىستىق ت ج د ءورت ءسوندىرۋ جانە اپاتتىق- قۇتقارۋ جۇمىستارى قىزمەتىنىڭ باستىعى ايدوس نۇسىپبايەۆ.
ءتىلسىز جاۋدى سوندىرۋگە بارلىعى 74 ادام مەن 14 تەحنيكا جۇمىلدىرىلدى.
