ش ق و - نىڭ ۇلان اۋدانىندا ورمان ورتىمەن كۇرەس جالعاسىپ جاتىر
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءورت 26-ماۋسىم كۇنى ساعات 17.30 شاماسىندا ۇلان اۋدانى اسۋبۇلاق ورمان شارۋاشىلىعىنداعى پريمورسك ورمانشىلىعىندا شىققان.
ءتىلسىز جاۋ ءشوپ پەن بۇتالاردى شارپىدى. ءورتتى ءسوندىرۋ ءۇشىن شىعىس قازاقستان وبلىسى اۆياتسيالىق بولىمشەسىنىڭ م ي-8 تىكۇشاعىمەن ورمانشىلار دەسانتى جانە سۋ جەتكىزىلدى. جارتاستى جەر بولعان سوڭ جالىنمەن كۇرەسۋ قيىنعا سوقتى.
«ارقاعا اسپالى ءورت سوندىرگىشتى كوتەرىپ، جۇمىس ىستەۋگە تۋرا كەلدى. ونىڭ سالماعى شامامەن 20 كەلى. وعان قوسا ءتۇتىن اۋا جۇتقىزبايدى. قۇتقارۋشىلار مەن ورمانشىلار ءوز ومىرلەرىن ۇنەمى قاتەرگە تىگىپ، وسىلاي جارتاستان جارتاسقا سەكىرىپ، بار كۇشىن سالادى. ولاردىڭ بىرلەسكەن ءىس- قيمىلىنىڭ ارقاسىندا ءورت وقشاۋلاندى»، - دەيدى وبلىستىق ت ج د ءورت ءسوندىرۋ قىزمەتى باستىعىنىڭ ورىنباسارى بولات نۇردىبايەۆ.
27-ماۋسىم كۇنى ساعات 16.00 دە وتتىڭ بەتى قايتتى. الايدا، قىزىل جالىن تولىق وشىرىلگەنگە دەيىن ت ج د ءورت سوندىرۋشىلەرى جانە ورمانشىلاردان 55 ادام مەن 8 تەحنيكا سول جەردە جۇمىس ىستەيدى.
