اتىراۋدا گاز- حيميا كەشەنىنىڭ جۇمىسى توقتاتىلدى
كومپانيانىڭ باسپا ءسوز قىزمەتىنەن ءمالىم ەتكەندەي، ينتەگراتسيالانعان كەشەن كەپىلدى ەكسپلۋاتاتسيالىق سىناقتاردى جۇرگىزۋگە جانە %100 جۇمىس رەجيمىنە كوشۋدى قامتاماسىز ەتۋ ءۇشىن توقتاتىلعان.
«تەڭىز كەن ورنىنان الىنعان شيكىزاتتى قايتا وڭدەيتىن كەشەندە جىلىنا 500 مىڭ توننا پوليپروپيلەن شىعارىلادى. بۇل - الەمدەگى پوليپروپيلەن ءوندىرىسىنىڭ 1 پايىزىن قۇرايتىن، ءارى قازاقستانداعى مۇناي- گاز ونەركاسىبىن وركەندەتۋگە سەپتىگى تيەتىن پوليپروپيلەن شىعاراتىن العاشقى كەشەن. ينتەگراتسيالانعان كەشەن ىشكى نارىقتاعى پوليپروپيلەن ونىمىنە سۇرانىستى قامتاماسىز ەتىپ قانا قويماي، سونىمەن قاتار قۇرىلىس، مەديتسينا، اۆتوموبيل جاساۋ، تاماق ونەركاسىبى ءۇشىن پوليپروپيلەننەن بۇيىمدار شىعاراتىن شاعىن جانە ورتا بيزنەس كاسىپورىندارىنىڭ جۇمىسىن جانداندىرۋعا ىقپال ەتەدى. كەشەنگە امەريكاندىق Lummus Technology Inc كومپانياسىنىڭ Catofin جانە Novolen تەحنولوگيالارى ورناتىلعان. وسىعان ۇقساس كەشەندەر الەمنىڭ ساۋد ارابياسى، ا ق ش، بەلگيا، وڭتۇستىك كورەيا جانە قىتاي ەسكىلدى بەس ەلىندە عانا بار»، - دەپ حابارلادى كومپانيانىڭ باسپا ءسوز قىزمەتىنەن.
ەسكە سالايىق، بۇدان بۇرىن اتىراۋ وبلىسىندا گاز- حيميا كەشەنىنىڭ مۇرجاسىندا پروپان الاۋى تۇتانعانىن حابارلاعان بولاتىنبىز. «پوليپروپيلەن وندىرىلەتىن زاۋىتتا «تەڭىز» كەن ورنىنان كونتسەنتراتسياسى %99,9 دەيىن تازارتىلىپ كەلەتىن پروپان قولدانىلادى. پروپاننىڭ قۇرامىندا كۇكىرت پەن كۇكىرتتى سۋتەگى جوق. پروپان جانعان كەزدە اۋاعا كومىرقىشقىل گازى (CO2) مەن بۋ عانا بولىنەدى. سوندىقتان قورشاعان ورتاعا زيان كەلمەدى»، - دەپ حابارلاعان ەدى «ك ر ى» ج ش س- ءنىڭ باسپا ءسوز قىزمەتىنەن.
