زاڭگەر ايەلدىڭ ءولىمى: الماتىدا سوت ۇكىمىنىڭ كۇشى جويىلدى
الماتى قالالىق سوتىنىڭ اپەللياتسيالىق ينستانتسياسى القابيلەردىڭ قاتىسۋىمەن شىعارىلعان ۇكىمنىڭ كۇشىن جويدى. وندا سوتتالۋشى نۇرتايەۆتىڭ ارەكەتى قاساقانا كىسى ءولتىرۋ (ق ك- ءنىڭ 99-بابىنىڭ 1-بولىگى) بابىنان اسا جوعارى پسيحيكالىق تولقۋ جاعدايىندا ادام ءولتىرۋ (ق ك- ءنىڭ 101-بابى) بابىنا اۋىستىرىلعان بولاتىن.
«اپەللياتسيالىق ساتىداعى سوت قىلمىستىق جانە ءىس جۇرگىزۋ زاڭناماسىنىڭ نورمالارىنىڭ ساقتالۋىن تەكسەرىپ جاتىر جانە وسى نەگىزدە القابيلەردىڭ قاتىسۋىمەن شىعارىلعان ۇكىمنىڭ زاڭدىلىعىن، نەگىزدىلىگىن جانە ادىلدىگىن تەكسەرۋدە. پروتسەسسۋالدىق نورمالاردىڭ بۇزىلۋى ءىستى سوت قاراۋىنا قايتا جولداي وتىرىپ، ۇكىمنىڭ كۇشىن جويۋعا نەگىز بولدى»، - دەلىنگەن الماتى قالالىق سوتىنىڭ مالىمەتىندە.
سونداي- اق بۇگىن قورعاۋشى جوحار وتەبەكوۆ اپەللياتسيالىق سوتتا جەڭىسكە جەتكەنىن مالىمدەدى.
«الماتى قالالىق سوتى ايمان اسانوۆانى ولتىرگەن ادامعا قاتىستى جەڭىل جازانىڭ كۇشىن جويدى. سوت مەنىڭ ارىزىممەن تولىقتاي كەلىستى. ءبىزدىڭ فيرما جۇمىستى جوعارى دەڭگەيدە اتقاردى. نۇرتايەۆ تەرگەۋ يزولياتورىندا قالادى. جاقىندا ول بوستاندىققا شىعۋى كەرەك ەدى (جازا مەرزىمى اياقتالدى) . اۋداندىق سوت ءىستى قايتا قارايدى. سۋديا دا باسقا، مايشينوۆ ەمەس. قولداۋلارىڭىزعا كوپ راحمەت»، - دەپ جازدى ادۆوكات.
ەسكە سالايىق، 42 جاستاعى ايەلگە شابۋىل 2022 -جىلدىڭ 8-قازانىندا ساعات 23:00 شاماسىندا قالانىڭ المالى اۋدانىندا بولعان ەدى. كوپتەگەن پىشاق جاراقاتتىمەن ايەل جاقىن ماڭداعى اۋرۋحاناعا جەتكىزىلدى. الايدا ول 12-قازانعا قاراعان ءتۇنى مەديتسينالىق مەكەمەدە قايتىس بولدى. اتالعان دەرەك ق ر ق ك- ءنىڭ 99-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەن بولاتىن.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى اتالعان ىسكە نۇرتايەۆتى كىنالى دەپ تاۋىپ، ونى 1,5 جىلعا باس بوستاندىعىنان ايىرۋ جازاسىنا كەسكەن بولاتىن.
