قىزىلوردا وبلىسىندا قىزدار توبى ەر ادامدارمەن تانىسىپ، اقشا بوپسالاپ كەلگەن
«پوليتسياعا ەر ادام ارىزدانىپ، ءساۋىر ايىنان بەرى بەلگىسىز ايەلدەر جەكە سيپاتتاعى سۋرەتتەرى مەن حاتتار ءۇشىن 500 مىڭ تەڭگە تالاپ ەتكەندىگىن ايتقان.
اتالعان فاكتى بويىنشا قىزىلوردا وبلىسىنىڭ پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى كەشەندى جەدەل- ىزدەستىرۋ شارالارىن جۇرگىزىپ، ناتيجەسىندە وبلىستىڭ 3 تۇرعىنى ۇستالدى.
بۇل قىزدار Facebook-تە جالعان اككاۋنت قۇرىپ، ابىرويعا نۇقسان كەلتىرەتىن مالىمەتتەردى الەۋمەتتىك جەلىدە تاراتىپ جىبەرۋ جەلەۋىمەن اقشا بوپسالاعان.
بوپسالاۋشى قىزداردان جاپا شەككەن 8 تۇلعا انىقتالدى. زاتتاي دالەلدەمە رەتىندە بىرنەشە تەلەفون، قولما- قول اقشا جانە بانك كارتالارى تاركىلەندى»، - دەلىنگەن پوليتسيا اقپاراتىندا.
ءمالىم ەتىلگەندەي، ق ر قىلمىستىق كودەكسىنىڭ 194-بابى 2-بولىگى بويىنشا سوتقا دەيىنگى تەرگەپ- تەكسەرۋ امالدارى باستالدى.
«ەكى كۇدىكتى ايەل ۋاقىتشا ۇستاۋ يزولياتورىنا قامالدى، ۇشىنشىسىنە قاتىستى ء«ۇيقاماققا الۋ» تۇرىندەگى بۇلتارتپاۋ شاراسى قولدانىلدى. سونداي- اق كۇدىكتىلەردىڭ وسىعان ۇقساس دەرەكتەرگە قاتىستىلىعى تەكسەرىلىپ جاتىر. وزگە اقپارات ق ر قىلمىستىق- پروتسەسسۋالدىق كودەكسىنىڭ 201-بابىنا سايكەس جاريالانۋعا جاتپايدى»، - دەلىنگەن حابارلامادا.
