امەريكالىق ايەل ۇرلاپ اكەتتى دەپ ويلاپ، تاكسيستى اتىپ ءولتىردى

تەحاس شتاتىنداعى ەل- پاسو قالاسى پوليتسياسىنىڭ مالىمەتىنشە، كولىكتە وتىرعان ايەل «سيۋداد- حۋارەس، مەكسيكا» دەگەن جول بەلگىسىن كورىپ، ءوزىن مەكسيكاعا اپارا جاتىر دەپ ويلاعان.

ويلانباستان سومكەسىنەن تاپانشاسىن الىپ، جۇرگىزۋشىنىڭ باسىنان اتقان. كولىك جول جيەگىندە قورشاۋعا سوعىلعان.

52 جاستاعى جۇرگىزۋشى اۋرۋحانادا قايتىس بولدى.

امەريكانىڭ ەل- پاسو قالاسى مەن مەكسيكانىڭ سيۋداد- حۋارەس قالاسى شەكارانىڭ ەكى جاعىندا ورنالاسقان.

قالالار اراسىنداعى قاشىقتىق - 3 شاقىرىم.

ايەل - كەنتۋككي شتاتىنىڭ تۇرعىنى. ول ەل- پاسوعا جىگىتىنە قوناققا كەلگەن.

بولجام بويىنشا ول 911 نومىرىنە قوڭىراۋ شالىپ، كەيىن جۇرگىزۋشىنى سۋرەتكە ءتۇسىرىپ، جىگىتىنە جىبەرگەن.

«تەرگەۋ ادام ۇرلاۋ، سونداي- اق جۇرگىزۋشىنىڭ باعىتىنان قاساقانا اۋىتقۋ نۇسقاسىن قاراستىرمايدى»، - دەلىنگەن باسپا ءسوز حابارلاماسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى