مينيسترلىك قاراعاندى وبلىسىنداعى كيىك ولىمىنە قاتىستى تۇسىنىكتەمە بەردى
ەكولوگيا جانە تابيعي رەسۋرستار مينيسترلىگى وسى وقيعاعا قاتىستى تۇسىنىكتەمە بەردى، دەپ حابارلايدى قازاقپارات.
«وحوتزووپروم» ءو ب» ورتالىق وڭىرلىك فيليالىنىڭ قاراعاندى تىرەك پۋنكتىنىڭ ينسپەكتورلارى سيرەك كەزدەسەتىن جانە جويىلىپ بارا جاتقان جابايى تۇياقتى جانۋارلاردى جانە كيىكتى قورعاۋ بويىنشا قاراعاندى ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى، سونداي- اق تابيعات قورعاۋ پوليتسياسى قىزمەتكەرلەرىمەن بىرلەسكەن ءىس- شارالار جۇرگىزۋ بارىسىندا، قاراعاندى وبلىسى نۇرا اۋدانى قاينار اۋىلىنان باتىسقا قاراي 20 شاقىرىم جەردەگى قۇلان وزەنىنەن بارلىعى 86 باس كيىك لاقتارىنىڭ ولەكسەسى تابىلدى. جانۋارلاردىڭ ولەكسەلەرى بۇزىلىپ باستاعاندىقتان ولاردىڭ جىنىسىن انىقتاۋ مۇمكىندىگى بولمادى، سونداي- اق تەرىنىڭ جوعارعى قاباتىندا وق ىزدەرى تابىلمادى (قىلمىستىق ىزدەر جوق)»، - دەپ جازىلعان مينيسترلىك حابارلاماسىندا.
جانۋارلار وزەننەن وتكەن كەزدە سۋعا باتىپ كەتكەن. كيىك ولەكسەلەرى سۋدان الىنىپ، ارنايى پوليگونعا اپارىلىپ، جويىلدى.
