استاناداعى داعدارىس ورتالىعىن زورلىق- زومبىلىق كورگەن قانشا ادام پانالاپ وتىر

سپيكەردىڭ سوزىنشە، زورلىق- زومبىلىق قۇرباندارىنىڭ كوپشىلىگى - ايەلدەر مەن بالالار. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس، الەمدەگى ءاربىر ءۇشىنشى ايەل تۇرمىستىق زورلىق- زومبىلىقتىڭ قۇربانى بولعان.

«وسىعان بايلانىستى «ءۇمىت» داعدارىس ورتالىعى قالا اكىمدىگىنىڭ قولداۋىمەن تۇرمىستىق زورلىق- زومبىلىقتان زارداپ شەككەندەرگە ارناۋلى الەۋمەتتىك قىزمەتتەر كورسەتەدى.

ورتالىق ءۇي ىشىندە قاتىگەزدىككە ۇشىراعان ادامدارعا ارناۋلى الەۋمەتتىك قىزمەتتەر كورسەتۋ ءۇشىن قۇرىلعان. وعان 18 جاستان 58 جاسقا دەيىنگى تۇرمىستىق زورلىق- زومبىلىق قۇرباندارى، ءوز باستاماسى بويىنشا دا، ءبىلىم بەرۋ، دەنساۋلىق ساقتاۋ، ىشكى ىستەر ورگاندارىنىڭ جولداماسى بويىنشا دا جىبەرىلگەندەر جانە ولاردىڭ كامەلەتكە تولماعان بالالارى قابىلدانادى»، - دەدى شىنار كاكىموۆا استانا قالاسىنىڭ كوممۋنيكاتسيالار قىزمەتى الاڭىندا.

قىزمەت الۋشىلار داعدارىس ورتالىعىنا كەلگەن كۇننەن باستاپ 72 ساعات ىشىندە مەديتسينالىق تەكسەرۋدەن، سانيتارلىق وڭدەۋدەن وتەدى. قالانىڭ جۇمىسپەن قامتۋ جانە الەۋمەتتىك قورعاۋ باسقارماسى جانىنداعى كوميسسيانىڭ شەشىمىمەن ورتالىقتا بولۋ مەرزىمى 1 ايدان 6 ايعا دەيىن بەلگىلەنەدى»، - دەپ تولىقتىردى سپيكەر.

قازىرگى ۋاقىتتا «ءۇمىت» داعدارىس ورتالىعىندا 49 ادام قىزمەت الۋدا، ولاردىڭ 13 ءى ايەل بولسا، 36 سى بالالار. ورتالىق اشىلعان كۇننەن باستاپ 2167 قىزمەت الۋشى قابىلداندى، ونىڭ ىشىندە 712 ايەل، 1455 بالا بار.

ورتالىقتا ويىن بولمەسى، وقۋ بولمەسى، كىر جۋاتىن ورىن، ەڭبەك تەراپياسى بولمەسى، بالالار ويىن الاڭى بار.

سونداي- اق قىزمەت الۋشىلارمەن پسيحولوگتار (بالالار جانە ۇلكەندەر)، زاڭگەرلەر، مەدبيكە، الەۋمەتتىك قىزمەتكەرلەر جۇمىس ىستەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى