جازدىڭ العاشقى كۇندەرىنەن باستاپ قاربىزدان ۋلانعاندار كوبەيدى
قىزىلوردا وبلىسىندا ماۋسىم ايىندا 21 ادام قاربىزدان ۋلانىپ قالدى. بۇل تۋرالى قىزىلوردا وبلىسى سانيتارلىق- ەپيدەميولوگيالىق باقىلاۋ دەپارتامەنتىنەن ءمالىم ەتتى.
جازدىڭ العاشقى كۇندەرىنەن باستاپ تۇرعىندار اراسىندا مەرزىمىنەن ەرتە پىسكەن باقشا ونىمدەرى مەن جەمىس-جيدەكتەن ۋلانعان ناۋقاستار سانى ءوسىپ كەلەدى.
«ماۋسىم ايىندا وبلىستىق جۇقپالى اۋرۋلار اۋرۋحاناسىندا مەرزىمىنەن ەرتە پىسكەن باقشا ونىمدەرىنەن (قاربىز) پايدا بولعان ءجىتى ىشەك ينفەكسياسىنا شالدىققان 21 جاعداي ەسەپكە الىندى. قاربىز جازدىڭ العاشقى ايىندا ساۋدا سورەلەرىندە پايدا بولا باستايدى. بۇل ۋاقىتتا ونىمدەر اناعۇرلىم قاۋىپتى، ياعني نيتراتپەن ۋلانۋ دەڭگەيى جوعارى»، - دەلىنگەن حابارلامادا.
ۆەدومستۆو مالىمەتىنشە، جىل سايىن وبلىس تۇرعىندارى اراسىندا جۇقپالى ءجىتى ىشەك اۋرۋلارىنا شالدىعۋ رەسپۋبليكالىق ورتاشا كورسەتكىشتەن 2-3 ەسە جوعارى بولىپ وتىر.
