تيتانيك ماڭىندا قازا تاپقان جاس جىگىت مۇحيت تۇبىندە الەمدىك رەكورد ورناتقىسى كەلگەن

بۇل تۋرالى BBC اگەنتتىگىنە بەرگەن سۇحباتىندا ونىڭ اناسى ايتتى، دەپ جازادى قازاقپارات.

باتيسكاف مۇحيت تۇبىنە سۇڭگىمەس بۇرىن سۇلەيمان گيننەستىڭ رەكوردتار كىتابىنا ءوتىنىش بەردى، ال ونىڭ اكەسى شاحزادا داۆۋد بالاسىنىڭ رەكوردىن ءتۇسىرۋ ءۇشىن ۆيدەوكامەرا الا شىققان.

كريستين داۆۋد پەن ونىڭ قىزى الينا «تيتانمەن» بايلانىس جوعالعانىن ەستىگەن كەزدە سۇڭگۋىر قايىقتى مۇحيت تۇبىنە اتتاندىرۋ ءۇشىن پايدالانىلعان Polar Prince زەرتتەۋ كەمەسىنىڭ بورتىندا بولاتىن.

«سول ساتتە بۇل اقپاراتتى قابىلداي الماي، بۇل نەنى بىلدىرەتىنىن تۇسىنبەدىم، سودان كەيىن مەن ءۇشىن دۇنيەنىڭ ءبارى اينالىپ كەتتى»، - دەدى ول العاشقى سۇحباتىندا.

ايتۋىنشا، كۇيەۋىمەن بىرگە «تيتانيكتى» تاماشالايمىن دەپ جوسپارلاعان، ءبىراق ساپارى كوروناۆيرۋس پاندەمياسىنا بايلانىستى توقتاتىلدى.

سودان كەيىن ول بۇل يدەيادان باس تارتىپ، ۇلىنا ەكسپەديتسياعا قاتىسۋعا مۇمكىندىك بەرۋدى شەشتى.

كريستين داۆۋدتىڭ ايتۋىنشا، ۇلى سپيدكۋبينگپەن اينالىسىپ، رۋبيك تەكشەسىن وزىمەن بىرگە بارلىق جەردە الىپ جۇرگەن.

ول سۇلەيماننىڭ كوپشىلىكتى تەكشەنى 12 سەكۋندتا جيناۋ قابىلەتىمەن تاڭقالدىرعانىن ايتتى.

ونىڭ ايتۋىنشا، سۇلەيمان رۋبيك تەكشەسىن 3700 مەتر تەرەڭدىكتە، «تيتانيك» كەمەسىنىڭ جانىندا جيناعىسى كەلگەن.

سۇلەيمان گلازگوداعى ستراتكلايد ۋنيۆەرسيتەتىنىڭ ستۋدەنتى بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى