كەلىنى مەن ەنەسى پيراميدالىق سحەما جاساعانى ءۇشىن قامالدى
ەنەسى 2020 -جىلى قارجىلىق (ينۆەستيسيالىق) پيراميدانى قۇرۋ جانە باسقارۋ بويىنشا قىلمىستىق ءىس- قيمىل جوسپارىن ازىرلەپ، وعان كەلىنىن تارتقان. تاعايىندالعان رولگە سايكەس ول سالىمشىلاردى تارتۋعا، ولاردىڭ ءتىزىمىن قالىپتاستىرۋعا، ساقتاۋعا مىندەتتى بولعان. جينالعان قاراجاتتىڭ جانە ولاردى قايتا ءبولۋدىڭ ەسەبىن جۇرگىزگەن.
ەكەۋى WhatsApp جانە Telegram موبيلدى مەسسەندجەرلەرىندە چات قۇرىپ، وندا ينۆەستورلاردى تارتۋ ءۇشىن ماركەتينگ تۇرىندە اقپاراتتى ورنالاستىرعان. دەپوزيتتەر سوماسىن جانە قولما-قول اقشالاي تولەمدەر سوماسىن انىقتاۋ ءۇشىن «جاشىكتەر» قۇرۋ ارقىلى ۇيىمداستىرادى.
ولار 2020 -جىلدىڭ قاڭتار- شىلدە ايلارى ارالىعىندا ءوز ماقساتتارىنا جەتۋ ءۇشىن جابىرلەنۋشىلەردەن وزدەرى قۇرعان جانە باسقاراتىن قارجى پيراميداسىنا جالپى سوماسى 300 ميلليونعا جۋىق تەڭگە، ياعني اسا ءىرى كولەمدە قاراجات تارتقان.
سوت ەكەۋىن كىنالى دەپ تانىپ، قازاقستان رەسپۋبليكاسى قىلمىستىق كودەكسىنىڭ 217-بابىندا كوزدەلگەن جانە ءارقايسىسىن ازاماتتاردىڭ قاراجاتى مەن ينۆەستيتسيالاردى تارتۋ جونىندەگى قىزمەتپەن اينالىسۋ قۇقىعىنان 5 (بەس) جىل مەرزىمگە ايىرا وتىرىپ، 5 (بەس) جىل مەرزىمگە باس بوستاندىعىنان ايىرۋعا سوتتادى. قازىر ولار قىلمىستىق-اتقارۋ جۇيەسىنىڭ قاۋىپسىزدىگى ەڭ تومەنگى مەكەمەسىندە جازاسىن وتەپ جاتىر.
