اقمولا وبلىسىندا ىزدەۋ جاريالانعان پوليتسيا قىزمەتكەرىنىڭ دەنەسى تابىلدى
ۆەدومستۆونىڭ مالىمەتىنشە، جوعالعان ادامنىڭ دەنەسى بۇگىن ساعات 9:15-تە قىلشاقتى وزەنى اۋماعىندا جۇرگىزىلگەن ىزدەستىرۋ شارالارى بارىسىندا تەرەڭدىگى 2 مەتر بولاتىن قازانشۇڭقىردان تابىلدى.
«ەر ادامنىڭ دەنەسىنەن زورلىق- زومبىلىق بەلگىلەرى انىقتالعان جوق. ساراپتاما تاعايىندالدى، سونىڭ قورىتىندىسى بويىنشا پروتسەسسۋالدىق شەشىم قابىلدانادى. پوليتسيا دەپارتامەنتىنىڭ باسشىلىعى مەن جەكە قۇرامى ءوزىنىڭ ارىپتەسى، پوليتسيا پودپولكوۆنيگى تۇرار تۇرار ۇلى دۇيسەمبيننىڭ مەزگىلسىز قايتىس بولۋىنا بايلانىستى تۋىستارى مەن جاقىندارىنا كوڭىل ايتادى»، - دەلىنگەن حابارلامادا.
ايتا كەتسەك، بۇدان بۇرىن اقمولا وبلىسىندا پوليتسيا ءبولىمى باستىعىنىڭ ورىنباسارىنا ىزدەۋ جاريالانعانىن جازعان ەدىك.
