ابزال قۇسپاننىڭ «الاش زاڭگەرلەرى» كىتابى تانىستىرىلدى
كىتاپتا ⅩⅩ عاسىردىڭ باسىنداعى قازاق زاڭگەرلەرى جايىندا ماعلۇمات بەرىلگەن. ولاردىڭ قىسقاشا ءومىربايانى، قوعامدا اتقارعان ىستەرى مەن ەلدەگى زاڭ سالاسىنىڭ دامۋىنا قوسقان ۇلەستەرى باياندالعان.
ⅩⅩ عاسىر قازاق حالقى ءۇشىن قاسىرەتتى عاسىرلاردىڭ ءبىرى. كەڭەستىك داۋىردەن قالىپتاسقان قاعيدادا قاۋىپسىزدىك ورگاندارىنىڭ اتاسى دەپ ف. دزەرجينسكيدى اتايدى. تىڭ تاقىرىپقا تۇڭعىش قالام تەربەگەن تۋىندى اۆتورى قازاقتان دا قۇقىق، زاڭ ءىلىمىنىڭ قالىپتاسۋىنا، دامۋىنا ۇلەس قوسقان تالاي تۇلعالاردىڭ بولعانىن تاريحي دەرەكتەرمەن دالەلدەيدى.
جيىندا ابزال قۇسپان «الاش زاڭگەرلەرى» دەگەندە بىلايشا تۇسىنىك بەرەدى:
«بۇل الاشورداعا، الاش ارىستارىنا عانا قاتىستى دۇنيە ەمەس. الاش - قازاقتىڭ ۇرانى. الاش دەسەك - قازاق، قازاق دەسەك - الاش دەپ ءتۇسىنۋىمىز كەرەك. ەكەۋى ءبىر ۇعىم. بۇل - ءبىر. بىزدە قالىپتاسىپ قالعان ءبىر دۇنيە بار: «ك س ر و-عا قىزمەت ەتكەن كوممۋنيستەردىڭ ءبارى وڭباعان، الاشوردالىقتار مىقتى»، - دەيدى. كوممۋنيستىك يدەياعا سەنىپ، سول يدەولوگياعا قىزمەت ەتكەندەر دە ستاليندىك رەپرەسسيا قۇربانى بولعان جوق پا؟ ولاردىڭ ىشىندە دە قازاققا جانى اشىعان، الاش يدەياسىنا ادالدىق تانىتقان تۇلعالار از بولماعان. سوندىقتان تەك الاش وردالىقتار عانا اتىلعان جوق، قىپ-قىزىل كوممۋنيستەر دە اتىلىپ كەتتى. ولاردىڭ اراسىندا قۋعىن كورىپ، سوتتالىپ كەلگەندەرى دە بار. بۇل كىتاپقا كوممۋنيستەر دە، ەشقانداي پارتياعا قىزمەت ەتپەگەن تۇلعالار دا ەنگەن»، - دەيدى.
بۇل كىتاپ زاڭ سالاسىندا قىزمەت ەتەتىن ماماندارعا جانە ⅩⅩ عاسىردىڭ باسىنداعى قازاق ينتەللەگەنتسياسى تاقىرىبىنا قىزىعاتىن قالىڭ وقىرمانعا ارنالعان.
تانىستىرىلىمعا ەلىمىزگە تانىمال زاڭگەرلەر، زيالى قاۋىم وكىلدەرى، سالا ماماندارى، وقىرماندار قاتىستى.
