مارعۇلان اتىنداعى ارحەولوگيا ينستيتۋتىنا ءبىرقاتار مىندەت جۇكتەلدى
مەملەكەتتىك كەڭەسشى ەرلان قارين ءا. ح. مارعۇلان اتىنداعى ارحەولوگيا ينستيتۋتىنا بارىپ، جۇمىسىمەن تانىستى.
مەملەكەت باسشىسى ۇلتتىق قۇرىلتايدىڭ ەكىنشى وتىرىسىندا اتالعان ينستيتۋتتىڭ جۇمىسىن جاڭعىرتىپ، ونىڭ ءوز دەڭگەيىندە قىزمەت جاساۋى ءۇشىن قاجەتتى رەسۋرستارمەن قامتاماسىز ەتۋ جونىندە تاپسىرما بەرگەنى بارشاعا بەلگىلى.
ەرلان قارين ينستيتۋتتىڭ اعىمداعى جوندەۋدەن وتكەن لابوراتوريالارىمەن، قور ساقتاۋ قويماسىمەن، ارحيۆىمەن، كىتاپحاناسىمەن تانىسىپ شىقتى.
مۇنان كەيىن مەملەكەتتىك كەڭەسشى ارحەولوگيا ينستيتۋتىنا قاتىستى ارنايى جيىن وتكىزدى.
وندا ينستيتۋت ديرەكتورى اقان وڭعار مەكەمەدەگى پروبلەمالار مەن ونى شەشۋ جولدارى جايىندا باياندادى.
جيىن سوڭىندا ەرلان قارين پرەزيدەنت تاپسىرماسىن ورىنداۋعا قاتىستى مەملەكەتتىك ورگاندارعا ءبىرقاتار ناقتى مىندەت جۇكتەدى.
