قازاقستانداعى كۋرورت «الەمدەگى ەڭ باقىتتى ورىن» تىزىمىنە كىردى

الەمنىڭ 100 ەلىندەگى ءتۇرلى كورنەكى ورىنداردىڭ مىڭداعان سۋرەتتەرىن سارالاي كەلە زەرتتەۋشىلەر «باقىت يندەكسىن» انىقتادى دەۋگە بولادى.

زەرتتەۋ تۋريستەردىڭ پىكىرلەرى، برونداۋ سايتتارىندا جاريالانعان نىسانداردى باعالاۋ، كولىكتىڭ جەتە الۋى، قاۋىپسىزدىك دەڭگەيى مەن Instagram جەلىسىندە قانشا رەت ايتىلعانىنا نەگىزدەلگەن. زەرتتەۋ ساياحاتشىلاردىڭ ەموتسيالارى نەگىزىندە جاسالدى، ماماندار ونى ادامنىڭ بەت-كەلبەتى مەن كۇلكىنى تانۋ تەحنولوگياسى ارقىلى مالىمەتكە اينالدىردى.

رەيتينگتىڭ ءبىرىنشى بەستىگى: گوندۋراستاعى ماناۆاكي ەكو-تابيعي پاركى، ترينداد جانە توباگو ەلىندەگى توباگو تاۋلى ۇستىرتىندەگى باستى قورىق، گوندۋراستاعى گۋمباليمبا پاركى، برازيلياداعى بوتانيكالىق باق جانە پەرۋدەگى «ينكتەر سوقپاعى».

بۇل تىزىمگە الماتى تۇرعىندارى مەن قوناقتارىنىڭ سۇيىكتى ورنى - «مەدەۋ» مۇز ايدىنى دا كىرىپتى. ءبىراق رەيتينگتە ول Medeu Skating Rink and Ski دەپ بەلگىلەنىپتى، بۇل شىمبۇلاق تاۋ شاڭعى كۋرورتىن دا قوسا بىلدىرەدى.

ايتا كەتەيىك، شىمبۇلاق الەمدەگى ەڭ بيىك تۇنگى تاۋ شاڭعى باۋرايى رەتىندە گيننەسس رەكوردتار كىتابىنا ەنگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى