ماسك پەن سۋكەربەرگ وكتاگوندا جەكپە-جەككە شىعاتىن بولىپ كەلىستى

ماسك تۋيتتەردە سۋكەربەرگپەن «توردا ايقاسۋعا دايىن» ەكەنىن جازدى.

وعان Meta باسشىسى تسۋكەربەرگ جاۋاپ رەتىندە ماسك تۋيتىنىڭ سكرينشوتىن جاريالاپ، «قايدا كەزدەسەتىنىمىزدى ايتىڭىز» دەدى.

Meta كومپانياسىنىڭ وكىلى BBC- گە «بۇل جاعداي ءتۇسىندىرۋدى قاجەت ەتپەيتىنىن» ايتتى.

سۋكەربەرگتىڭ سۇراعىنا ماسك جاۋاپ جىبەردى: «ۆەگاستاعى وكتاگون (سەگىزبۇرىش)».

وكتاگون - Ultimate Fighting Championship ۇيىمى ۇيىمداستىرعان جەكپە-جەك وتەتىن ارنايى قورشالعان ارەنا. ول نيەۆادا شتاتىنىڭ لاس-ۆەگاس قالاسىندا ورنالاسقان.

وسى ايدىڭ سوڭىندا 52 جاسقا تولاتىن يلون ماسك تۋيتتەردە «ەشقاشان جاتتىعۋ جاسامايمىن، تەك كەيدە بالالارىمدى كوتەرىپ اسپانعا لاقتىرامىن» دەپ جازدى.

ال 39 جاستاعى تسۋكەربەرگ كوپ جىلدان بەرى ارالاس جەكپە-جەكپەن اينالىسادى جانە دجيۋ-دجيتسۋ تۋرنيرلەرىندە جەڭىمپاز اتانعان.

BBC Twitter كومپانياسىنا دا حابارلاسىپ كوردى. ءبىراق كومپانيا وكىلدەرى تۇسىنىكتەمە دە، پىكىر دە بىلدىرمەدى.

ماسك پەن سۋكەربەرگ اراسىنداعى حات الماسۋ دەرەۋ كوپشىلىك اراسىندا تاراپ كەتتى. جەلى قولدانۋشىلارى بۇل ايقاستا كىم جەڭىسكە جەتۋى مۇمكىن ەكەنىن تالقىلاپ جاتىر.

Meta ماۋسىمدا تۋيتتەرگە باسەكەلەس بولاتىن جازبا الەۋمەتتىك جەلىسىن قۇرۋ تۋرالى جوسپارىن بولىسكەن بولاتىن.

Meta وكىلى BBC گە پلاتفورما دايىندالىپ جاتقانىن راستادى.

ول ماسكتىڭ تۋيتتەرىنە BlueSky مەن Mastodon-نان دا مىقتى باسەكەلەس بولۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى