جەمىس پەن كوكونىستەرگە ۆاكسينا قوسىلاتىنى راس پا؟

تەوريا بويىنشا بانان، كارتوپ جانە باسقا دا تاعامدار گەندىك-موديفيكاتسيالانعان، ولاردا ۆاكسينالار بار. الايدا بۇل - جالعان اقپارات، - دەپ حابارلايدى stopfake.kz.

قۇرامىندا ۆاكسينالار بار گەندىك- موديفيكاتسيالانعان كوكونىس پەن جەمىس ازىرلەۋ جۇمىستارى جۇرگىزىلىپ جاتىر. ول 1990-جىلدارى مولەكۋلالىق بيولوگ چارلز ارنتسەن «جەۋگە بولاتىن ۆاكسينالار» تەرمينىن ەنگىزگەن كەزدە قولعا الىنعان. يدەيا تاعامداردى جەگەن ادامدار مەن جانۋارلاردا بەلگىلى ءبىر پاتوگەندەرگە يممۋنيتەت قالىپتاساتىنداي ەتىپ وزگەرتۋگە نەگىزدەلدى.

بۇل سالاداعى جۇمىس ءۇش جىلدان اسا ۋاقىت بويى جۇرگىزىلىپ كەلە جاتقانىنا قاراماستان، نارىقتا ءالى دە جەۋگە بولاتىن ۆاكسينالار جوق. مۇنىڭ بىرنەشە سەبەبى بار، ونىڭ ىشىندە نەگىزگىلەرىنىڭ ءبىرى - ءدارى-دارمەكتى اعزاعا جەتكىزۋ ءتاسىلى. قانداي دا ءبىر تاعامدى جەگەن كەزدە ولار تىكەلەي اسقازانعا ءتۇسىپ، قۇرامىنا تۇز قىشقىلى بولاتىن اسقازان ءسولىنىڭ اسەرىنەن ىدىرايدى. دەمەك ازىرلەۋشى عالىمداردىڭ الدىندا اسقازاندا بولىنبەيتىن، ءبىراق ناۋقاستىڭ قانىنا ەنەتىن ۆاكسينا جاساۋ مىندەتى تۇر.

2023-جىلعى ساۋىردە INTERNATIONAL JOURNAL Of AGRICULTURE BIOLOGY جۋرنالىندا جاريالانعان ماقالادا بۇگىنگى كۇنگە دەيىن تىرىسقاق، بەزگەك گەپاتيتى، نيۋكاسل اۋرۋى، قىزىلشا جانە قۇتىرۋعا قارسى جەۋگە بولاتىن ۆاكتسينالار ازىرلەنگەنى تۋرالى جازىلعان. كەيبىر پرەپاراتتار ادامداردا نەمەسە جانۋارلاردا كلينيكالىق سىناقتار جۇرگىزۋ ءۇشىن ماقۇلداندى. مۇنداي كەز كەلگەن ۆاكسينانى سىناقتان تىس الۋ مۇمكىن ەمەس.

ميكروبالدىرلاردان جەۋگە بولاتىن ۆاكسينالار جاساۋ بويىنشا دا جوبالار قولعا الىنعان، ءبىراق ولار ءالى ءوندىرىلىپ جاتقان جوق.

دەمەك بۇگىندە كوكونىس پەن جەمىستەگى ۆاكسينالار - تەك كلينيكالىق سىناقتار اياسىندا قولجەتىمدى جوبا. بولاشاقتا ۆاكتسينالارى بار بانان نەمەسە كارتوپ كادىمگى جەمىس پەن كوكونىس ساتىلاتىن جەرلەردە ۇسىنىلاتىن بولادى دەپ ويلاۋعا نەگىز جوق.

سونىمەن قاتار، جەۋگە جارامدى ۆاكسينالاردى قاستاندىق تەوريالارىندا سيپاتتالعان جانە كۇماندى «الەمدىك ۇكىمەت» ەمەس، عالىمدار مەن فارماتسيەۆتيكالىق كومپانيالار ازىرلەيدى.

دەمەك الەمدىك ۇكىمەتتىڭ جەمىس پەن كوكونىس ارقىلى ادامداردى ۆاكتسيناتسيالاۋى تۋرالى تارالعان اقپارات - فەيك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى