پوليتسيا كوشەلەردە وتىراتىن مۋزىكانتتارعا قانداي جاعدايدا شەكتەۋ قوياتىنىن بەردى
بۇگىن سەناتتا تىلشىلەر كوميتەت باسشىسىنا كوشەدە ءان ايتىپ وتىراتىن مۋزىكانتتاردى ورىندارىنىن پوليتسەيلەر ۇنەمى قۋىپ جۇرەتىنىن ايتتى.
«پوليتسەيلەر كوشە مۋزىكانتتارىنا ءان ايتۋعا مۇمكىندىك بەرمەيدى، وتىرعان ورىندارىنان ۇنەمى قۋىپ جىبەرەدى. شەتەلدە مۋزىكانتتار كەز كەلگەن جاعالاۋدا ءان ايتىپ وتىرا بەرەدى. پوليتسەيلەر مۋزىكانتتاردى زاڭسىز كاسىپكەرلىكپەن اينالىستى دەپ ايىپتاپ وتىر»، - دەدى جۋرناليستەر.
ءوز كەزەگىندە قايسار سۇلتانبايەۆ ەگەر مۋزىكانتتار اۆتوكولىك كوپىرىندە ءان ايتىپ وتىرسا، بۇل جاعداي جۇرگىزۋشىلەرگە كەدەرگە كەلتىرەتىنىن ايتتى.
«ال باسقا جەرلەردە مۋزىكانتتاردىڭ ونەرىنە كەدەرگى كەلتىرۋ دۇرىس ەمەس دەپ سانايمىن. ەگەر جاقىندا ورنالاسقان ءۇيدىڭ تۇرعىندارى شاعىمدانسا، وندا پوليتسەيلەر ءتيىستى ارەكەت جاسايتىنى تۇسىنىكتى. جاياۋ جۇرگىنشىلەر كوپىرىندە ءان ايتىپ وتىرسا، بۇعان ەشقانداي شەكتەۋ جوق. مەن وسى ماسەلەنى زەرتتەپ شىعىپ، وسىعان قاتىستى ەگجەي-تەگجەيلى جاۋاپ بەرەيىن. سوندىقتان قاي جەردە قانداي وقيعا بولعانى جايىندا ناقتى فاكتىنى قاراستىرۋ كەرەك»، - دەدى اكىمشىلىك پوليتسيا كوميتەتىنىڭ باسشىسى.
