ەسىرتكى ساۋداسىن ۇيىمداستىردى دەپ كۇدىك كەلتىرىلگەن ايەل تۇركيادان قازاقستانعا اكەلىندى
باسپا ءسوز قىزمەتىنىڭ مالىمەتتەرىنە قاراعاندا، تۇركيا رەسپۋبليكاسىنىڭ ادىلەت مينيسترلىگى ەسىرتكى زاتتارىن اسا ءىرى مولشەردە ساتۋ ماقساتىندا زاڭسىز ساقتاعانى ءۇشىن كۇدىكتى دەپ تانىلعان ايەلدى بەرۋ تۋرالى قازاقستان رەسپۋبليكاسى باس پروكۋراتۋراسىنىڭ سۇراۋ سالۋىن قاناعاتتاندىردى.
ءىستى تەرگەۋ بارىسىندا كۇدىكتى قىلمىستىق قۋدالاۋ ورگانىنان جاسىرىنىپ، وعان حالىقارالىق ىزدەۋ جاريالانعان.
بۇگىن باس پروكۋراتۋرانىڭ، ىشكى ىستەر مينيسترلىگىنىڭ قىزمەتكەرلەرى قازاقستان رەسپۋبليكاسى سىرتقى ىستەر مينيسترلىگىنىڭ كومەگىمەن كۇدىكتىنى قىلمىستىق جاۋاپقا تارتۋ ءۇشىن ەلگە ەكستراديتسيالادى.
قازىرگى ۋاقىتتا ول استانا قالاسىنىڭ تەرگەۋ يزولياتورىنا جاتىر.
«اتالعان قىلمىستى جاساعانى ءۇشىن ول مۇلكى تاركىلەنە وتىرىپ، 10 جىلدان 15 جىلعا دەيىن باس بوستاندىعىنان ايىرىلۋى مۇمكىن»، - دەلىنگەن حابارلامادا.
