قىتايدا ايداھار قايىقتارىنىڭ مەرەكەسى باستالدى

وسىعان بايلانىستى 22-24-ماۋسىم مەرەكە كۇندەرى قىتايدىڭ ونداعان ميلليون ازاماتى ەل بويىنشا تۋريستىك ساپارلارعا اتتانادى، دەپ حابارلايدى قازاقپارات ءتىلشىسى.

قىتاي تۋريزم اكادەمياسىنىڭ باعالاۋىنشا، «دۋانۋ» مەرەكەسى كەزىندە 100 ميلليون ساپار جاسالادى، ال تۋريستىك شىعىن 37 ميلليارد يۋاندى (شامامەن 5 5,2 ميلليارد دوللار) قۇرايدى. تانىمال تۋريستىك باعىتتار - بەيجىڭ، شاڭحاي، حاڭجوۋ، چىڭدۋ، چيڭداۋ جانە باسقالارى.

«قىتاي تەمىر جولدارى» كورپوراتسياسىنىڭ بولجامىنشا، وسى مەرەكە كۇندەرى ەلدىڭ تەمىر جولدارىمەن 71 ميلليونعا جۋىق جولاۋشى ساپارلايدى. جولاۋشىلار اعىنى اسىرەسە بەيسەنبى كۇنى كوپ بولماق - بۇل كۇنى قىتايدىڭ تەمىر جولدارىمەن شامامەن 16 ميلليون جولاۋشى تاسىمالدانادى.

ءداستۇر بويىنشا، «دۋانۋ» مەرەكەسى كەزىندە ادامدار ايداھار قايىقتارىمەن جارىسادى جانە بامبۋك جاپىراقتارىنا ورالعان جانە ءپىشىنى ءۇشبۇرىشقا ۇقساس ءار ءتۇرلى سالماسى بار جابىسقاق كۇرىشتەن جاسالعان تاتتىلەر - «زۋڭزى» ازىرلەيدى.

ءۇش كۇن بويى قىتاي قالالارى مەن كەنتتەرىندە ءتۇرلى شارالار، حالىق ويىندارى مەن جارمەڭكەلەر وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى