استانا سوتىنىڭ رەسمي سايتىن الدەبىرەۋلەر بۇزىپ، قاتە اقپارات جاريالاعان
قالالىق سوتتىڭ مالىمەتىنشە، شامامەن 10 مينۋت بۇرىن سايتتا گۇلميرا ساتىبالدى ىسىنە شىققان اپەللياتسيالىق ۇكىم جايلى حابارلاما جاريالانعان.
مەكەمەنىڭ مالىمدەۋىنە سەنسەك، بۇل سەنىمدى اقپارات ەمەس.
«ناقتى اقپارات الۋ ءۇشىن استانا قالاسى سوتىنىڭ باسپا ءسوز قىزمەتىنە حابارلاسۋىڭىزدى سۇرايمىز» دەپ وتىنەدى سوتتان.
ەسكە سالا كەتەيىك، ءبىز بۇعان دەيىن استانا سوتىنىڭ رەسمي سايتىنا سىلتەمە جاساي وتىرىپ، گۇلميرا ساتىبالدىعا شىققان ۇكىم اپەللياتسيادان كەيىن وزگەرىسسىز قالعانىن حابارلاعان ەدىك.
